Bussines Traveller-ის ჟურნალისტი - საქართველოში თავს უსაფრთხოდ ვგრძნობთ, რაც მოგზაურებისთვის ძალიან მნიშვნელოვანია

საქართველოში თავს უსაფრთხოდ ვგრძნობ, რაც მოგზაურებისთვის ძალიან მნიშვნელოვანია, - ამის შესახებ “Business Traveller“-ის ჟურნალისტმა მელანი სვანმა განაცხადა.

როგორც ის აღნიშნავს, საქართველოში განსხვავებული ბიუჯეტის მქონე ტურისტს შეუძლია მოგზაურობა.

„ერთი კვირის განმავლობაში სხვადასხვა ტურისტული ადგილი დავათვალიერე და ძალიან სასიამოვნო სამოგზაურო გამოცდილება მივიღე. ძალიან ლამაზი ბუნება გაქვთ და ვფიქრობ, თქვენი ქვეყანა სხვადასხვა ტიპის მოგზაურისთვის საოცარი მიმართულებაა. საქართველოში განსხვავებული ბიუჯეტის მქონე ტურისტს შეუძლია მოგზაურობა, აქ დიდი არჩევანია, ტურისტს შეუძლია იპოვოს როგორც პატარა, საშუალო, ასევე მდიდრული სასტუმრო. მნიშვნელობა არა აქვს საქართველოში ზაფხულში იმოგზაურებ, თუ ზამთარში, აქ დიდი არჩევანია, ეს არის -ლაშქრობა, თხილამურები, კეპინგი, ცხენებით გასეირნება და სხვა ტურისტული ატრაქციები. ვფიქრობ, როგორც ახლო აღმოსავლეთიდან, ევროპიდან, ასევე სხვა ადგილებიდან საქართველოს ბევრი ტურისტი ესტუმრება“, - განაცხადა მელანი სვანმა.

საქართველოს ტურისტული ცნობადობის ამაღლებისა და ტურისტების მოზიდვის მიზნით, საქართველოს ეკონომიკისა და მდგრადი განვითარების სამინისტროს ტურიზმის ეროვნულმა ადმინისტრაციამ მაღალრეიტინგული საერთაშორისო გამოცემა „Business Traveller Middle East“-ის ჟურნალისტს მელანი სვანს უმასპინძლა. 4-დღიანი ტურის ფარგლებში სამოგზაურო და საავიაციო ჟურნალის წარმომადგენელი ყვარელს, ანანურს, სტეფანწმინდას, ჯუთასა და მცხეთას ესტუმრა. ტურისტული ლოკაციების გაცნობის შემდეგ, გამოცემის ჟურნალისტი მელანი სვანი საქართველოს შესახებ ვრცელ სტატიას მოამზადებს, რომელსაც მსოფლიოში ცნობილი ავიაკომპანიების მგზავრები გაეცნობიან.

აღნიშნულის შესახებ ინფორმაციას ტურიზმის ეროვნული ადმინისტრაცია ავრცელებს.

გაამართლა თუ არა მართვის მოწმობის ასაღები გამოცდის რეალურ მოძრაობაში გადატანამ და როგორია ჩაბარება-ჩაჭრის მაჩვენებელი? - ინტერვიუ შსს-ს მომსახურების სააგენტოს დირექტორის მოადგილესთან
კორნელი კაკაჩია - ამერიკელი ანალიტიკოსების აზრით, „საქართველო არის ქვეყანა, რომელმაც დაკარგა სტრატეგიული კომპასი“ და „ახლა ძრავაგაჩერებულ მანქანას ჰგავს, რომელიც ინერციით მოძრაობს“
ქართული პრესის მიმოხილვა 03.10.2022
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო
კახა ოქრიაშვილი - ჩვენი ეკონომიკა მინუსშია! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ
წარმატება, რომელსაც BTU-მ 6 წლის განმავლობაში მიაღწია
ქართული ხალხური სიმღერის გამორჩეულ ოსტატსა და ლოტბარს, ტრისტან სიხარულიძეს სპეციალური ჯილდო - „მადლიერების ჩიტი“ გადაეცა