ვიღაც რაღაცას დამიძახებს, ან რაღაცნაირ შეფასებას გააკეთებს - არანაირი მნიშვნელობა ჩემთვის ამას არა აქვს. მე ამაზე რეაქცია არ მექნება, - ასე ეხმაურება პარტია „საქართველოსთვის“ ლიდერი გიორგი გახარია მმართველი გუნდის დეპუტატების მხრიდან მისი მისამართით გაკეთებულ განცხადებებს.
გახარიას თქმით, ბოლო დღეების განმავლობაში მათი გუნდის ახალგაზრდა წევრები მაგალითს აჩვენებენ, როგორი უნდა იყოს ქართველი პოლიტიკოსი, რომლის ძირითადი საზრუნავი არის სახელმწიფო და არა მისი პირადი ან პარტიული ინტერესები.
„მე ამას საერთოდ არანაირ ყურადღებას არ ვაქცევ. ნული იქნება რეაქცია. მოლოდინით ყველაფერს ველოდებით, მაგრამ ამაზეც რეაქცია არ გვექნება. როგორც ხედავთ, ჩვენს გეგმას მივყვებით - მათ შორის ახალგაზრდების გუნდით, რომლებიც მშვენივრად მუშაობენ. შეხედეთ - ბოლო დღეების განმავლობაში ჩვენი გუნდის ახალგაზრდა პოლიტიკოსები, რომლებიც მაგალითს აჩვენებენ, როგორი უნდა იყოს ქართველი პოლიტიკოსი, რომლის ძირითადი საზრუნავი არის სახელმწიფო და არა მისი პირადი ან პარტიული ინტერესები. რაც შეეხება იმას, ვიღაცა რაღაცას დამიძახებს ან რაღაცნაირ შეფასებას გააკეთებს - არანაირი მნიშვნელობა ჩემთვის ამას არა აქვს. მე ამაზე რეაქცია არ მექნება", - აცხადებს გიორგი გახარია.