გიორგი გახარია რუსეთთან ურთიერთობებზე - მტერსაც, ოკუპანტსაც უნდა ველაპარაკოთ - პრაგმატულად, ცივი გონებით, ეს ჩვენი გასაკეთებელია!

მტერსაც, ოკუპანტსაც უნდა ველაპარაკოთ - პრაგმატულად, ცივი გონებით, ეს ჩვენი გასაკეთებელია! რაც უფრო დავაგვიანებთ, მით უფრო დავზიანდებით!- ამის შესახებ პარტია "საქართველოსთვის" ლიდერმა გიორგი გახარიამ რუსეთთან ურთიერთობის საკითხზე განაცხადა.

მან ასევე ხაზი გაუსვა, რომ ქვეყნის ტერიტორიული მთლიანობის პრობლემების მოსაგვარებლად ოკუპანტ ქვეყანას საქართველოს ნაცვლად ვერავინ დაელაპარაკება, თუმცა ეს უნდა იყოს მხარდაჭერილი საქართველოს საერთაშორისო პარტნიორების მხრიდან.

„ერთი რამე უნდა გვესმოდეს ყველას - მტერსაც უნდა ველაპარაკოთ - ჩვენი სალაპარაკოა ეს! არავინ ჩვენს ნაცვლად არ დაელაპარაკება ოკუპანტს - ეს ნაბიჯები ჩვენ უნდა გადავდგათ პრაგმატულად, ცივი გონებით, მაგრამ ეს ჩვენი გასაკეთებელია! რაც უფრო გვიან გავაკეთებთ ამას, მით უფრო დავზიანდებით! დღეს ყველას უნდა გვესმოდეს, რომ ჩვენს გარდა ამას არავინ გააკეთებს და, რა თქმა უნდა, ეს უნდა იყოს მხარდაჭერილი ჩვენი საერთაშორისო პარტნიორების მხრიდან“ - განაცხადა გიორგი გახარიამ.

მისივე შეფასებით, შეუძლებელია, რომ ქვეყანას, რომლის 20% ოკუპირებულია - არ ჰქონდეს გააზრებული, მკაფიო და ერთმნიშვნელოვანი სტრატეგია, როგორ აპირებს ქვეყნის დეოკუპაციას. გახარიას თქმით, ასეთი სტრატეგიის არქონა მოქმედებს ყველაფერზე, მათ შორის, ეკონომიკურ განვითარებასა და პარტნიორებთან ურთიერთობაზე.

„შეუძლებელია ოკუპირებულ ქვეყანას, რომლის 20% ოკუპირებულია, არ ჰქონდეს გააზრებული, მკაფიო და ერთმნიშვნელოვანი სტრატეგია, როგორ აპირებს ქვეყნის დეოკუპაციას. ასეთი სტრატეგიის არქონა მოქმედებს ყველაფერზე: ეკონომიკურ განვითარებაზე, პარტნიორებთან ურთიერთობაზე - ყველაფერზე! პირველი, რაც გასაკეთებელია - ქვეყანას უნდა ჰქონდეს მკაფიო წარმოდგენა, როგორია საქართველოს დეოკუპაციის სტრატეგია. ამ დეოკუპაციის სტრატეგიის ერთი პატარა ნაწილი უნდა იყოს დებორდერიზაციის გეგმა, რომელიც ქვეყანას უნდა ჰქონდეს, რადგან ჩვენს აფხაზ და ოს ძმებთან ხიდებს ვერ ავაშენებთ, თუ ფიზიკური წვდომა არ გვქონდა ერთმანეთთან და მავთულხლართებით ვიყავით გაყოფილი, ეს ძალიან მნიშვნელოვანია“, - განაცხადა გახარიამ.

გაამართლა თუ არა მართვის მოწმობის ასაღები გამოცდის რეალურ მოძრაობაში გადატანამ და როგორია ჩაბარება-ჩაჭრის მაჩვენებელი? - ინტერვიუ შსს-ს მომსახურების სააგენტოს დირექტორის მოადგილესთან
კორნელი კაკაჩია - ამერიკელი ანალიტიკოსების აზრით, „საქართველო არის ქვეყანა, რომელმაც დაკარგა სტრატეგიული კომპასი“ და „ახლა ძრავაგაჩერებულ მანქანას ჰგავს, რომელიც ინერციით მოძრაობს“
ქართული პრესის მიმოხილვა 03.10.2022
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო
კახა ოქრიაშვილი - ჩვენი ეკონომიკა მინუსშია! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ
წარმატება, რომელსაც BTU-მ 6 წლის განმავლობაში მიაღწია
ქართული ხალხური სიმღერის გამორჩეულ ოსტატსა და ლოტბარს, ტრისტან სიხარულიძეს სპეციალური ჯილდო - „მადლიერების ჩიტი“ გადაეცა