გიორგი მარგველაშვილი - დღევანდელი ტრაგედია არის პრემიერ-მინისტრის პასუხისმგებლობა - არ უნდა დავიშალოთ, სანამ ის ჯერ პოლიტიკურს, შემდეგ კი სამართლებრივ ფასს არ გადაიხდის

დღევანდელი ტრაგედია არის პრემიერ-მინისტრის პოლიტიკური პასუხისმგებლობა, ჩვენ არ უნდა დავიშალოთ და მტკიცედ ვიდგეთ, სანამ ის არ გადაიხდის ჯერ პოლიტიკურ ფასს, შემდეგ კი როდესაც ხელისუფლება შეიცვლება, სამართლებრივ ფასს, - ამის შესახებ საქართველოს ყოფილმა პრეზიდენტმა, გიორგი მარგველაშვილმა პარლამენტის შენობასთან მისვლის შემდეგ განაცხადა, სადაც ოპერატორ ლექსო ლაშქარავას გარდაცვალებასთან დაკავშირებით მთავრობის გადადგომის მოთხოვნით აქცია მიმდინარეობს.

როგორც მან „ინტერპრესნიუსთან“ საუბრისას აღნიშნა, მორალური მოთხოვნების დაწესება იმ ადამიანისთვის, რომელმაც ოჯახიდან ცხედარი გაიტაცა, არაადეკვატური იქნება.

„ბუნებრივია, დღევანდელი ტრაგედია არის პრემიერ-მინისტრის პოლიტიკური პასუხისმგებლობა. ჩვენ არ უნდა დავიშალოთ და მტკიცედ ვიდგეთ, სანამ ის არ გადაიხდის ჯერ პოლიტიკურ ფასს, შემდეგ, როდესაც ხელისუფლება შეიცვლება, სამართლებრივ ფასს. არ მგონია, რომ ადეკვატური იქნება რაიმე მორალური მოთხოვნების დაწესება იმ ოპერაციის ჩამტარებლისთვის, ვინც დღეს ცხედარი გაიტაცა სახლიდან“, - აღნიშნა გიორგი მარგველაშვილმა.

მისივე თქმით, შსს-ს მიერ წარმოებული გამოძიების არ სჯერა.

„არ ვაპირებ შინაგან საქმეთა სამინისტროს მიერ წარმოებულ გამოძიებაზე კომენტირებას, არ მჯერა მე შინაგან საქმეთა სამინისტროსი, რომელიც ამ შემთხვევაში ჩაატარებს გამოძიებას“, - განაცხადა გიორგი მარგველაშვილმა.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 14.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს
ქართულ ბაზარზე ახალი ინოვაციური ბრენდი „მულტი“ შემოდის
BTU აბიტურიენტებისთვის და მაგისტრანტობის კანდიდატებისთვის მასშტაბურ პროექტს იწყებს