გიორგი ვაშაძე - ენით აღუწერელი დანაშაული მოხდა ჩვენ თვალწინ და ამ ყველაფერს კონკრეტული დამნაშავეები ჰყავს, არა ის ხალხი, ვინც უსწორდებოდა ჟურნალისტებს, არამედ ისინი, ვინც ამ დავალებას გასცემდნენ

ეს იყო კარგად დაგეგმილი, ორგანიზებული სპეცოპერაცია, რომელიც განხორციელდა ოპოზიციური მედიის, ოპონენტებისა და განსხვავებული აზრის მქონე ადამიანების წინააღმდეგ - შინაგან საქმეთა მინისტრი პარლამენტში უნდა მოვიდეს, - ამის შესახებ „სტრატეგია აღმაშენებლის“ ლიდერმა გიორგი ვაშაძემ ჟურნალისტებს 5-6 ივლისის მოვლენებზე საუბრისას განუცხადა.

როგორც ვაშაძე აცხადებს, აღნიშნულ მოვლენებში დამნაშავე არა უშუალოდ ის ადამიანები არიან, ვინც ჟურნალისტებს უსწორდებოდნენ, არამედ ისინი, ვინც ამ დავალებას გასცემდნენ.

გიორგი ვაშაძემ ოპერატორ ლექსო ლაშქარავას გარდაცვალების შესახებაც ისაუბრა და აღნიშნა, რომ „ამ ადამიანის გარდაცვალებაში დამნაშავეა „ქართული ოცნება”.

„ამას ბევრი მოკვლევა არ სჭირდება. მსოფლიოში არც ერთი სახელმწიფო არ არსებობს, ტერორისტული ორგანიზაციებიც კი, რომლებიც ჟურნალისტებს ფიზიკურად უსწორდებიან. გუშინდელ აქციაზე გახმოვანებულ მოთხოვნებს ვუერთდებით, მთავრობის გადადგომას აქამდეც ვითხოვდით და ასევე, შინაგან საქმეთა მინისტრი პარლამენტში უნდა მოვიდეს და კითხვებს პასუხი გასცეს. ფრაქციის სხდომა გვექნება და ვიმსჯელებთ, თუ რა მექანიზმები უნდა ავამოქმედოთ პარლამენტში, რომ მოძალადე „ქართულ ოცნებასა” და მთავრობას პასუხი მოვთხოვოთ და ჩვენი ხმა გავაგონოთ როგორც მთელ საქართველოს, ასევე საერთაშორისო საზოგადოებას. ენით აღუწერელი დანაშაული მოხდა ჩვენ თვალწინ და ამ ყველაფერს კონკრეტული დამნაშავეები ჰყავს, არა ის ხალხი, ვინც უსწორდებოდა ჟურნალისტებს, არამედ ისინი, ვინც ამ დავალებას გასცემდნენ”,- განაცხადა გიორგი ვაშაძემ.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 29.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
„ფარმადეპოში“ თურქული მედიკამენტების ასორტიმენტი გაიზარდა
ბაზისბანკის მხარდაჭერით, ფონდ "ნატვრის ხის" საქველმოქმედო კონცერტი გაიმართა
VISA-ს და „ბიბლუსის“ ერთობლივი შეთავაზება მომხმარებელს - 30%-იანი ფასდაკლება სრულ ასორტიმენტზე
კომპანია FINA-ს წარმატების ისტორია - 11 წელი ბაზარზე
ტერაბანკისა და სააგენტოს „აწარმოე საქართველოში“ ხელშეწყობით, კახეთში სასტუმრო „ისევ ყვარელი“ განახლდა