“ლელოს“ ლიდერის, ბადრი ჯაფარიძის განცხადებით, პარლამენტში მთავრობისთვის უნდობლობის გამოცხადების პროცედურა უნდა დაიწყოს და „ლელო“ მხოლოდ ამ საკითხის განხილვაში მიიღებს მონაწილეობას.

როგორც ჯაფარიძემ აღნიშნა, მთავრობის გადადგომა არსებული ვითარებიდან გამოსვის ერთადერთი გამოსავალია და “ქართულმა ოცნებამ” ეს უნდა გაითავისოს.

„დღეს “ლელო - პარტნიორობა საქართველოსთვის” პარლამენტში გამოცხადდა ერთადერთი საკითხის განსახილველად. ესაა მთავრობისთვის უნდობლობის გამოცხადების პროცედურის დაწყება. ჩვენ არცერთი სხვა საკითხის განხილვაში მონაწილეობას არ ვაპირებთ. დღევანდელი მთავრობა, მისი მეთაური სრული შემადგენლობით უნდა გადადგეს იმისთვის, რომ თავიდან ავიცილოთ ქვეყანაში პროცესების გამწვავება და ვითარების ესკალაცია. ერთადერთი სწორი გამოსავალი არის ის, რომ პარლამენტი შეიკრიბოს, დავიწყოთ მთავრობისადმი უნდობლობის გამოცხადების პროცედურა, ავირჩიოთ გარდამავალი მთავრობა, რათა ვითარება განიმუხტოს. მთავრობისთვის უნდობლობის გამოცხადებისთვის წინააღმდეგობის გაწევა ნიშნავს მხარდაჭერას დაძაბულობის და ქვეყანაში უმართავი პროცესების განვითარების. ოპოზიციური ფრაქციები ამ პროცესის დაწყებას მხარს დაუჭერენ. “ქართულმა ოცნებამ” უნდა გაითავისოს, რომ დღეს ერთადერი გამოსავალი ამ ურთულესი ვითარებიდან მთავარობის გადადგომაა, რადგან მათ ეკისრებათ პასუხისმგებლობა 5-6 ივლისის”, - განაცხადა ჯაფარიძემ.