მამუკა მდინარაძე - 5 ივლისს ვინც იძალადა და ორგანიზებული შეტევა მოაწყო ჟურნალისტებზე, არის უბნელესი ხალხის მოქმედება

5 ივლისს ვინც იძალადა და ორგანიზებული შეტევა მოაწყო ჟურნალისტებზე, არის უბნელესი ხალხის მოქმედება, რომელსაც წარმოდგენა არ აქვს არც ეროვნულობაზე, არც პატრიოტიზმზე, არც ეკლესიაზე და არაფერზე, - ასე ეხმაურება ფრაქცია "ქართული ოცნების" თავმჯდომარე მამუკა მდინარაძე 5 და 6 ივლისს განვითარებულ მოვლენებს.

მდინარაძის შეფასებით, ამ ქვეყანაში არიან როგორც ანტისახელმწიფოებრივი დაჯგუფებები, ასევე ბნელი ძალები, რომლებიც „ამ ხალხის წისქვილზე ასხამენ წყალს თავიანთი მოძალადეობრივი და ყოვლად გაუგონარი მოქმედებებით“.

,,ეს, რა თქმა უნდა, დასაგმობია და ყველამ ერთად ყველაფერი უნდა გავაკეთოთ, რომ მსგავსი თავში აზრად არ მოუვიდეს არავის. მაგრამ, ეს არის ბნელი მედლის ერთი მხარე, მეორე არის მხარე, რომელიც წლების განმავლობაში ებრძვის ეკლესიას. არის ღირებულებები, რომელიც არ გადაიხედება, როდესაც ამ ღირებულებებს ანტისახელმწიფოებრივი ჯგუფები ებრძვიან ვალდებულები ვართ, ამ ყველაფერს დავუპირისპირდეთ. საზოგადოება უნდა იყოს კონცენტრირებული ერთი ღირებულის გარშემო, რომ სამშობლო, ეკლესია და პატრიოტიზმი არის შეუბღალავი, არ შეიძლება ამას დაეჯახო. ერთი ბნელი მედლის ორი მხარეა, ამ ქვეყანაში არიან როგორც ანტისახელმწიფოებრივი დაჯგუფებები, ასევე ბნელი ძალები, რომლებიც ამ ხალხის წისქვილზე ასხამენ წყალს თავიანთი მოძალადეობრივი და ყოვლად გაუგონარი მოქმედებებით“, - აღნიშნა მამუკა მდინარაძემ.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 29.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
„ფარმადეპოში“ თურქული მედიკამენტების ასორტიმენტი გაიზარდა
ბაზისბანკის მხარდაჭერით, ფონდ "ნატვრის ხის" საქველმოქმედო კონცერტი გაიმართა
VISA-ს და „ბიბლუსის“ ერთობლივი შეთავაზება მომხმარებელს - 30%-იანი ფასდაკლება სრულ ასორტიმენტზე
კომპანია FINA-ს წარმატების ისტორია - 11 წელი ბაზარზე
ტერაბანკისა და სააგენტოს „აწარმოე საქართველოში“ ხელშეწყობით, კახეთში სასტუმრო „ისევ ყვარელი“ განახლდა