ნინო ლომჯარია - გარკვეულ საკითხებთან დაკავშირებით ნამდვილად გავუგეთ ერთმანეთს და არის საკითხები, რომლებსაც პრეზიდენტი ნამდვილად სწორად აფასებს - ჩემი რჩევა იყო, მისი გზავნილები უფრო ხშირად გაჟღერდეს

მე ვფიქრობ, რომ გარკვეულ საკითხებთან დაკავშირებით ნამდვილად ჩვენ გავუგეთ ერთმანეთს და ვფიქრობ, რომ არის საკითხები, რომლებსაც ის ნამდვილად სწორად აფასებს , - ამის შესახებ სახალხო დამცველმა საქართველოს პრეზიდენტთან შეხვედრის დასრულების შემდეგ განაცხადა.

მისი შეფასებით, დახურულ ფორმატში გამართული შეხვედრა, საკმაოდ ღია და გულწრფელი იყო.

როგორც ლომჯარიამ აღნიშნა პრეზიდენტი შეწუხებულია ქვეყანაში უკანასკნელ დღეებში განვითარებულ პროცესებთან დაკავშირებით.

ამასთანავე, ომბუდსმენის თქმით, ახლა პრეზიდენტის პოზიციონირება მნიშვნელოვანია ისე, როგორც არასდროს.

„ჩვენ გვქონდა შეხვედრა ერთი ერთზე, ვისაუბრეთ და ჩვენ გვქონდა საკმაოდ ღია, გულწრფელი საუბარი. მე, რა თქმა უნდა, ვერ ვისაუბრებ პრეზიდენტის განწყობებზე და მის განცხადებებზე, ეს იყო დახურული შეხვედრა, თუმცა ჩემი მხრიდან იყო დაყენებული ყველა მნიშვნელოვანი საკითხი. შემიძლია გითხრათ, რომ პრეზიდენტი არის შეწუხებული ყველა იმ საკითხზე, რაზეც გვქონდა საუბარი.

მე ვფიქრობ, რომ გარკვეულ საკითხებთან დაკავშირებით ნამდვილად ჩვენ გავუგეთ ერთმანეთს და ვფიქრობ, რომ არის საკითხები, რომლებსაც, ნამდვილად, სწორად აფასებს. ასევე, მასთან საუბარში აღვნიშნე, რომ ძალიან დიდი მნიშვნელობა ექნება, ალბათ, როგორც არასდროს, პრეზიდენტის პოზიციონირებას და ასევე, ჩემი რჩევა იყო, რომ ამ საკითხებთან დაკავშირებით მით უმეტეს ასეთ დროს, უფრო ხშირად ჰქონდეს საზოგადოებასთან კომუნიკაცია და მისი გზავნილები უფრო ხშირად გაჟღერდეს, რაც დაეხმარება დემოკრატიული ღირებულებების და ადამიანის უფლებების დაცვას ამ ქვეყანაში“, - განაცხადა ლომჯარიამ.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
დავით თვალაბეიშვილი - ჩვენ მხარს ვუჭერთ ევროკავშირის ენერგეტიკული გაერთიანების მედიაციის გაგრძელებას და მოვუწოდებთ მასში ჩართულ ყველა მონაწილეს, გამოვიყენოთ ეს შესაძლებლობა
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა