ამირან გამყრელიძე - ჩვენი გათვლებით, ოქტომბრის ბოლომდე მილიონნახევარი დოზა „ფაიზერი“ გვექნება

დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელის, ამირან გამყრელიძის განცხადებით, წელს, ოქტომბრის ბოლომდე, ქვეყანაში, დაახლოებით, მილიონნახევარი „ფაიზერი“ იქნება.

როგორც გამყრელიძემ უწყებათაშორისი საკოორდინაციო საბჭოს სხდომის დასრულების შემდეგ, ბრიფინგზე განაცხადა, „ფაიზერის“ ადმინისტრირებისთვის ქვეყანა სერიოზულად ემზადება და ამცრელი ბრიგადების რაოდენობა აგვისტოში 300-მდე გაიზრდება.

„გიდასტურებთ, რომ უახლოეს დღეებში შემოვა „ფაიზერი“, თუმცა, სანამ თვითმფრინავი არ დაჯდება, თარიღს ვერ გეტყვით. მალე იქნება „ფაიზერის“ გარკვეული დოზები. რაც მთავარია, ეს იქნება პირველი პარტია, ამას მოყვება მეორე, მესამე პარტია სწრაფად და წელს ჩვენი გათვლებით ოქტომბრის ბოლომდე, დაახლოებით, მილიონნახევარი დოზა „ფაიზერი“ გვექნება. მოსახლეობაზეა დამოკიდებული, რამდენად აქტიური ვიქნებით. სერიოზულად ვემზადებით „ფაიზერის“ ადმინისტრირებისთვის. მოხდა იმ კლინიკების გადამზადება, სადაც „ფაიზერის“ ადმინისტრირება მიდიოდა, იმას ემატება კიდევ, დაახლოებით, 150-მდე ბრიგადა. 32 ბრიგადა აწარმოებდა „ფაიზერის“ ადმინისტრირებას. ეს ძალიან სწრაფად, ივლისის ბოლოს 150-მდე და აგვისტოში 300 ბრიგადამდე ადის“, - განაცხადა გამყრელიძემ.

ამასთან, ამირან გამყრელიძემ განმარტა, რომ „ჩვენ დღეს ვაქცინის ხარჯვის დეფიციტი არ გვაქვს“.

„საკმარისი რაოდენობით ვაქცინებია ქვეყანაში. დევს ნახევარი მილიონი „სინოფარმი“, ნახევარი მილიონი „სინოვაკი“, რამდენიმე დღეში შემოვა კიდევ „სინოვაკის“ დოზები. პარასკევს შემოვიდა 43 ათასი „ასტრაზენეკა“, რომელიც „კოვაქსით“ უნდა შემოსულიყო ივნისში. მინდა საზოგადოებას მივმართო, რომ პირველი დოზით ვინც იყო „ასტრაზენეკათი“ აცრილი, ახლა შეუძლიათ აცრა, მე-4 კვირის შემდეგ. საერთაშორისო კვლევებით დადგენილია, რომ უკეთესი იმუნიტეტი ყალიბდება 8-12 კვირის პერიოდში ვაქცინაციისას. „ასტრაზენეკა“ კიდევ შემოვა ქვეყანაში.

დღეს ადმინისტრირება ხდება ქვეყანაში 4 ვაქცინის - „ფაიზერი“ (დღევანდელი 6 ათასიდან, 5 ათასი იყო „ფაიზერით“), შემდეგ მოდის „ასტრაზენეკა“, „სინოვაკი“. ძალიან მინიმალური დოზები გვაქვს „ფაიზერის“ დარჩენილი, რითაც იცრებიან ჩვენი სტუდენტები, რომლებიც მიდიან უცხოეთის უნივერსიტეტებში, რადგან ამ უნივერსიტეტების კამპუსებზე ითხოვენ სწორედ „ფაიზერით“ ან „მოდერნათი“ აცრას“, - განაცხადა გამყრელიძემ.

თენგიზ ცერცვაძე - შეგვიძლია დაგიდასტუროთ, რომ დღეს საქართველოში მოსახლეობის COVID უსაფრთხოება საიმედოდ არის დაცული და პანდემია არ ახდენს ნეგატიურ გავლენას ცხოვრების ხარისხზე
კორნელი კაკაჩია - ამერიკელი ანალიტიკოსების აზრით, „საქართველო არის ქვეყანა, რომელმაც დაკარგა სტრატეგიული კომპასი“ და „ახლა ძრავაგაჩერებულ მანქანას ჰგავს, რომელიც ინერციით მოძრაობს“
არჩილ მორჩილაძე - ჯანმრთელობის დაზღვევის სფეროში სახელმწიფო შესყიდვების უმეტესობა ხელს უწყობს ქვეყანაში პოლიფარმაციას და გაუმართლებლად ზრდის დაზღვევის ღირებულებას
ქართული პრესის მიმოხილვა 06.10.2022
შეზღუდული პერიოდით “სკიო გუდაური” ბინებს არასეზონურ ფასად გაყიდის
საქართველოს ბიზნეს ასოციაციის წევრი კომპანიების წარმომადგენლები საქართველოს პრემიერ-მინისტრს შეხვდნენ
„საქართველოს ბანკის“ მხარდაჭერით, თბილისში ახალი მრავალფუნქციური სივრცე „კომბინატი - Combinaty“ იხსნება
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო