პაატა მანჯგალაძე - თუ უნდობლობის პროცედურის დასაწყებად საკმარისი ხმა არ გვექნება, ერთი კარგი საქმე მაინც გამოვა, მოხდება იმ პარტიების ლუსტრაცია ვის უნდა ქვეყანაში ცვლილებები

თუ უნდობლობის პროცედურის დასაწყებად საკმარისი ხმა არ გვექნება, ერთი კარგი საქმე მაინც გამოვა - მოხდება იმ პარტიების ლუსტრაცია, ვის უნდა ქვეყანაში ცვლილებები და ვის სურს არსებული რეალობის შენარჩუნება, - ამის შესახებ ჟურნალისტებთან "სტრატეგია აღმაშენებლის" დეპუტატმა პაატა მანჯგალაძემ განაცხადა.

კითხვაზე, რამდენად შეძლებს ოპოზიცია პროცესის დაწყების შემთხვევაში, ის ბოლომდე მიიყვანოს, მანჯგალაძე აცხადებს, რომ თუ ქუჩაში პროტესტი იქნება, იმის ალბათობაც გაჩნდება, რომ უმრავლესობის ცალკეულმა წევრებმაც სწორედ ხალხის განწყობის შესაბამისად მისცენ ხმა.

„პროცედურის დაწყებისთვის საკმარისია პარლამენტის 50 წევრის ხელმოწერა. კონსულტაციები გვაქვს სხვადასხვა პარტიებთან და ამ დღეებში გვეცოდინება გვაქვს თუ არა საკმარისი ხმები ამის დასაწყებად. თუ საკმარისი ხმა არ გვექნება, ერთი კარგი საქმე მაინც გამოვა - მოხდება იმ პარტიების ლუსტრაცია, ვის უნდა რეალურად ქვეყანაში ცვლილებები და ვის სურს არსებული რეალობის შენარჩუნება.

არსებობს პრაქტიკა სხვა ქვეყნების, როცა არის ქუჩის პროტესტი, ხელისუფლებაში იცვლება არსებული რეალობა და ხელისუფლების წარმომადგენლებიც კი აძლევენ ხმას ხალხის განწყობის სასარგებლოდ. თუ ქუჩაში იქნება ხალხის ის რაოდენობა, რომელიც ამ გადაწყვეტილების მიღებას გაუადვილებს ხელისუფლების ცალკეულ წევრებს, ჩვენ ამას შევძლებთ, მაგრამ თუ ქუჩაში ხალხი არ გამოვა, უმრავლესობა, რა თქმა უნდა, უცბად უმცირესობად არ გარდაიქმნება,"- განაცხადა მანჯგალაძემ.

ირაკლი მელაშვილი - დასავლური კურსი დეკლარირებული გვაქვს, მაგრამ ხელისუფლებას მკაფიოდ აქვს გასაცემი პასუხი კითხვაზე - რატომ ამბობს საქართველო უარს დასავლეთის სამხედრო დახმარებაზე
მამუკა გამყრელიძე - პუტინისთვის საბედისწერო აღმოჩნდა შანხაის  სამიტი, მან სამარყანდში დაინახა, რომ  მარტო დარჩა, ამიტომაც შეცვალა ომის მიზანი
ქართული პრესის მიმოხილვა 03.10.2022
ბორის სოკოლოვი - პუტინს ნებისმიერ ფასად უნდა ომში გამარჯვება, ამაზეა დამოკიდებული მისი პოლიტიკური მომავალი და ფიზიკურად გადარჩენაც, მაგრამ არ ვარ დარწმუნებული, რომ იგი მზადაა, გამოიყენოს თუნდაც ტაქტიკური ბირთვული იარაღი
კახა ოქრიაშვილი - ჩვენი ეკონომიკა მინუსშია! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ
წარმატება, რომელსაც BTU-მ 6 წლის განმავლობაში მიაღწია
ქართული ხალხური სიმღერის გამორჩეულ ოსტატსა და ლოტბარს, ტრისტან სიხარულიძეს სპეციალური ჯილდო - „მადლიერების ჩიტი“ გადაეცა
ქართული ციფრული ბანკების გლობალური აღიარება
ვოლტი ზუგდიდშია