მეუფე ნიკოლოზი ჟურნალისტებს - ჩვენ, ჩვენ წილ პასუხისმგებლობას ავიღებთ, თქვენ, თქვენი წილი აიღეთ - დავსხდეთ და მოვილაპარაკოთ ჟურნალისტი თავისუფალი უნდა იყოს თუ აღვირახსნილი

ახალქალაქისა და კუმურდოს მიტროპოლიტი, მეუფე ნიკოლოზი ჟურნალისტებს ურჩევს გერმანელი მწერლის, ნობელის პრემიის ლაურეატის ჰაინრიხ ბიოლის ნაწარმოები „კატარინა ბლუმის შელახული ღირსება" წაიკითხონ.

როგორც მეუფე აღნიშნავს, 5-6 ივლისს განვითარებულ მოვლენებზე პასუხისმგებლობა ყველამ უნდა გაინაწილოს, მათ შორის, ჟურნალისტებმა.

„რასაც თქვენ მე მეკითხებით, არ არის შეკითხვა, ეს არის რიტორიკული კითხვები. ყველა ჟურნალისტს მოვუწოდებ წაიკითხოს წიგნი, მსოფლიოში ერთ-ერთი უდიდესი მწერლის, ჰაინრიხ ბიოლის, ნობელის პრემიის ლაურეატის, რომელმაც თავის თავს რაც გადახდა ჟურნალისტებთან ურთიერთობაში აღწერა რომანში, რომელსაც ჰქვია „კატერინა ბლუმის შელახული ღირსება". როგორ მიიყვანა ჟურნალისტმა ადამიანი თვითმკვლელობამდე. ეს წიგნი წაკითხული გაქვთ? თუ არ გაქვთ წაკითხული სირცხვილი არაა. მე იმის თქმა მინდა, რომ ჩვენ ყველამ გავინაწილოთ პასუხისმგებლობა, დიდი ბოროტების, რაც მოხდა. ცალკე საკითხია, როდესაც სახელმწიფოს აიძულებ გამოიყვანოს შეიარაღებული ძალები იმისთვის, რომ გააკეთო ის, რაც არ უნდათ ადამიანებს, რომ გააკეთო. ეს არ არის აზრის გამოხატულება, როდესაც ადამიანების უმრავლესობას არ უნდა და დგახარ და საჯაროდ ისეთ რაღაცას აკეთებ და ამბობ, რაც მიუღებელია საზოგადოების უმრავლესობისთვის. ეს არის ძალადობა“, - აღნიშნა მეუფე ნიკოლოზმა.

ამასთან, მან კითხვით მიმართა ჟურნალისტებს, იღებენ თუ არა პასუხისმგებლობას იმ ძალადობაზე, რაც ადამიანებზე განახორციელეს. მისივე თქმით, ჟურნალისტის აღვირახსნილობა მიუღებელია.

„ჩვენ, ჩვენ წილ პასუხისმგებლობას ავიღებთ. თქვენ თქვენი წილი აიღეთ. დავსხდეთ და მოვილაპარაკოთ, ჟურნალისტი თავისუფალი უნდა იყოს თუ აღვირახსნილი. ჟურნალისტის აღვირახსნილობა მიუღებელია!, - აღნიშნავს მეუფე ნიკოლოზი.

იხილეთ ვიდეო:5 ივლისს მომხდარი ძალადობის მსგავსი ძალადობა არასდროს მინახავს - მიტროპოლიტი ნიკოლოზი

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
დავით თვალაბეიშვილი - ჩვენ მხარს ვუჭერთ ევროკავშირის ენერგეტიკული გაერთიანების მედიაციის გაგრძელებას და მოვუწოდებთ მასში ჩართულ ყველა მონაწილეს, გამოვიყენოთ ეს შესაძლებლობა
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა