ეკა ბესელია - რა უნდა უთხრას ხელისუფლებამ პასუხად დედას, რატომ მოუკლეს ერთადერთი შვილი, რა არის მორალური მკვლელობის ის სერია, რომელიც ამ დღეების განმავლობაში გრძელდება

რა უნდა უთხრას ხელისუფლებამ პასუხად დედას, რატომ მოუკლეს ერთადერთი შვილი, რა არის მორალური მკვლელობის ის სერია, რომელიც ამ დღეების განმავლობაში გრძელდება, - ამის შესახებ პარტია „სამართლიანობისთვის“ ლიდერმა, ეკა ბესელიამ „ტვ პირველის“ ოპერატორის ლექსო ლაშქარავას გარდაცვალებასთან დაკავშირებით განაცხადა.

მან გარდაცვლილის ოჯახს მიუსამძიმრა და მომხდარზე პასუხისმგებლობა ხელისუფლებას დააკისრა.

„აბსურდული ვერსიების ჩიჩქნა, რისი დამტკიცება უნდათ ამით? არის რაღაც, რაც ადამიანს მორალურად უნდა აჩერებდეს. გარდა იმისა, რომ ყველა დაწერილ ნორმას არღვევენ, დაუწერელი წესებიც არის, მათ შორის ქრისტიანობაში, შვილმკვდარ დედასთან რაღაცამ უნდა გაგაჩეროს. შუალედური დასკვნები და ამ დროს საბოლოო ვერსიების გამოქვეყნება თურმე, თითქოს სხვა რაღაცაა სიკვდილის მიზეზი, ეს ფაქტს კიდევ უფრო ამაზრზენს ხდის და ამძიმებს. თუ რამე ამძიმებს ახლა ხელისუფლებას, ამძიმებს ამ განგრძობადი მკვლელობის ფაქტები და დამოკიდებულება. ლექსო გარდაცვალებამდე ორი დღით ადრე ვნახე „ტვ პირველში“, ბოლო მისი სიტყვები, რაც დამამახსოვრდა, თქვა, რომ ახლა ვერ ვხედავ და იმედი მაქვს, მხედველობა დამიბრუნდებაო. მინდა, რომ მათ, ვისაც დაბნელებული აქვთ მხედველობა და რაიმე ფორმით ამართლებენ ამ ფაქტს, აეხილოთ თვალი და გაიაზრონ, რომ არის რაღაცები, რომლის პატიება არ შეიძლება. თუ ხელისუფლება ვერ გრძნობს პასუხისმგებლობას, ჩვენ საზოგადოებამ უნდა ვაიძულოთ, რომ გაიაზროს“,-განაცხადა ბესელიამ.

ტელეკომპანია „პირველის" ოპერატორს, ლექსო ლაშქარავას დღეს ჯიქიას სასაფლაოზე, მამის გვერდით დაკრძალავენ.

გაამართლა თუ არა მართვის მოწმობის ასაღები გამოცდის რეალურ მოძრაობაში გადატანამ და როგორია ჩაბარება-ჩაჭრის მაჩვენებელი? - ინტერვიუ შსს-ს მომსახურების სააგენტოს დირექტორის მოადგილესთან
ქართული პრესის მიმოხილვა 03.10.2022
ირაკლი მელაშვილი - დასავლური კურსი დეკლარირებული გვაქვს, მაგრამ ხელისუფლებას მკაფიოდ აქვს გასაცემი პასუხი კითხვაზე - რატომ ამბობს საქართველო უარს დასავლეთის სამხედრო დახმარებაზე
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო
კახა ოქრიაშვილი - ჩვენი ეკონომიკა მინუსშია! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ
წარმატება, რომელსაც BTU-მ 6 წლის განმავლობაში მიაღწია
ქართული ხალხური სიმღერის გამორჩეულ ოსტატსა და ლოტბარს, ტრისტან სიხარულიძეს სპეციალური ჯილდო - „მადლიერების ჩიტი“ გადაეცა