ლევან იოსელიანის განცხადებით, თუ საქართველო ევროკავშირისგან დახმარებას დაკარგავს, ამით მოქალაქეები დაზარალდებიან, "თორემ ვინც უზენაეს სასამართლოში განამწესეს, კარგად იქნებიან"

პარლამენტის ოპოზიციონერი ვიცე-სპიკერის ლევან იოსელიანის განცხადებით, ქვეყნის პარტნიორებმა "ქართულ ოცნებას" ძალიან ნათლად უნდა უთხრან, რომ უზენაესი სასამართლოს მოსამართლეების დანიშვნა შარლ მიშელის შეთანხმების დარღვევა იყო.

მისივე თქმით, თუკი შედეგად საქართველო ევროკავშირისგან დახმარებას დაკარგავს, ამით მოქალაქეები დაზარალდებიან, "თორემ ვინც უზენაეს სასამართლოში განამწესეს, კარგად იქნებიან".

"როცა პარლამენტში უზენაესი სასამართლოს მოსამართლეობის კანდიდატების მოსმენა დაიწყო, პირველი დღიდან ვამბობდი, რომ ეს შარლ მიშელის შეთანხმებასთან წინააღმდეგობაში იყო. მე, როგორც ერთმა დეპუტატმა თავი ვალდებულად ჩავთვალე, მოსმენებზე ვყოფილოყავი, დამესვა ყველა კრიტიკული კითხვა, შემეხსენებინა მათი ბიოგრაფია და საზოგადოებისთვის დამენახებინა, "ქართული ოცნება" უზენაეს სასამართლოში ვის განწესებას აპირებდა. კარგია, რომ ცხრავე მოსამართლე არ განწესდა, მაგრამ ექვსი მოსამართლე, რომელიც საბოლოოდ უზენაეს სასამართლოში აღმოჩნდა, ორ მთავარ კრიტერიუმს ვერ უძლებს - ეს არის პროფესიონალიზმი და კომპეტენცია. "ქართულმა ოცნებამ" ძალით, ხელის გადაგრეხვით დანიშნა ეს ადამიანები უზენაეს სასამართლოში, რასაც თავისი პოლიტიკური შედეგი ექნება", - განაცხადა ლევან იოსელიანმა.

შეგახსენებთ, რომ ევროკომისიის განცხადებით, მოსამართლეების არჩევა ხელისუფლებისთვის დაკარგული შესაძლებლობაა სასამართლოს რეფორმის მიმართ ერთგულების დამტკიცებისთვის - ამ ნაბიჯმა შეიძლება მაკრო-ფინანსური დახმარების მეორე ტრანშის გამოყოფაზე უარყოფითად იმოქმედოს.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს