ხაშურის საკრებულოს შვიდმა წევრმა "ქართული ოცნება" დატოვა და გახარიას პარტიას შეუერთდა

ხაშურის საკრებულოს შვიდმა წევრმა "ქართული ოცნება" დატოვა და გახარიას პარტიას "საქართველოსთვის" შეუერთდა, - ამის შესახებ ინფორმაციას პარტია „საქართველოსთვის“ ავრცელებს.

როგორც პარტიის ახალმა წევრებმა ერთობლივად გამართულ ბრიფინგზე განაცხადეს, „ოცნების“ ხელისუფლება იმ პრინციპებსა და მიზნებს დაშორდა, რისთვისაც ისინი 2012 წელს იბრძოდნენ.

„ხაშურის მუნიციპალიტეტის საკრებულოს დეპუტატები: ვაჟა ხარშილაძე - ფრაქცია „ქართული ოცნება-დემოკრატიული საქართველოს“ თავმჯდომარე, ირინე გელაშვილი სოციალურ საკითხთა კომისიის თავმჯდომარე, მამუკა წიქარიშვილი საფინანსო-საბიუჯეტო კომისიის თავმჯდომარე, ზვიად ტეფნაძე ქონების მართვისა და ბუნებრივი რესურსების კომისიის თავმჯდომარე, ანა ხარებავა სამანდატო-საპროცედურო კომისიის თავმჯდომარე, ჯონდო კაპანაძე- ფრაქცია „ქართული ოცნება -მრეწველების“ თავმჯდომარე, ემზარ მურჯიკნელი ფრაქცია „ქართული ოცნება-მრეწველების“ თავმჯდომარის მოადგილე - არსებული სიტუაციიდან გამომდინარე, რადგან „ქართული ოცნების“ ხელისუფლება დაშორდა იმ პრინციპებსა და მიზნებს, რომლისთვისაც ჩვენ 2012 წელს ვიბრძოლეთ, ვტოვებთ უმრავლესობის რიგებს და ვაგრძელებთ ბრძოლას, არათუ ვინმეს წინააღმდეგ, არამედ ჩვენი ქვეყნის უკეთესი მომავლისთვის. ჩვენ ბრძოლას ვაგრძელებთ, გიორგი გახარიას გუნდთან ერთად. ვიცით, რომ ჩვენს განცხადებას ბევრი ადამიანი ელოდება, მოგიწოდებთ შემოგვიერთდით ჩვენ ვერთიანდებით „საქართველოსთვის“, - განაცხადეს ერთობლივ ბრიფინგზე.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
საქართველოს ეროვნული უნივერსიტეტის და SEU DEVELOPMENT-ის ერთობლივი საჩუქარი SEU-ს სტუდენტს და ოლიმპიურ ჩემპიონს, ლაშა ბექაურს
ქართული ეროვნული მაუწყებლების მიერ ფასიანი ტრანზიტის მოთხოვნასთან დაკავშირებით საქართველოს საკაბელო ტელევიზიების კავშირი განცხადებას ავრცელებს
განახლებული ფორმატითა და მიზნებით - Setanta Sports-ი მაუწყებლობას 13 ქვეყანაში იწყებს
ჩაერთე სილქფესტის შეთავაზებებში და გაიაქტიურე დიდი მოცულობის ინტერნეტ და სასაუბრო პაკეტები
"ტანტა" და თერაპიის ცენტრი "გრადაცია" - Social Impact Award 2021-ის ფინალისტები ინკლუზიური მისიით