ეს იყო პრობლემური არჩევნები, იყო ბევრი დარღვევა, თუმცა, ჯამურად გამიჭირდება თქმა, რომ ეს არჩევნები ცალსახად გაყალბებული არჩევნებია, - ამის შესახებ იურიდიულ საკითხთა კომიტეტის სხდომაზე ცესკო-ს წევრობის კანდიდატმა ლელა ტალიურმა განაცხადა.

მისივე თქმით, არჩევნების გაყალბების შესახებ ხაზგასმული ინფორმაცია არცერთ ანგარიშში არაა.

„გაყალბდა თუ არა არჩევნები, ამ სიტყვას თქვენ ვერცერთ ანაგარიშში ვერ ნახავთ, მათ შორის საერთაშორისო ორგანიზაციების ანგარიშებში და ვერც ადგილობრივი ორგანიზაციების ანგარიშებში. ყოველ შემთხვევაში ანგარიშებში ასეა. იქ არის საუბარი იმაზე, რომ ყველაზე ცუდი არჩევნები იყო. მე ვფიქრობ, რომ ეს არჩევნები იყო ძალიან პრობლემური არჩევნები. გამიჭირდება იმის თქმა, რომ მიზანმიმართული გადაცდომა და დარღვევა მხოლოდ ერთი მიმართულებით, მმართველი პარტიის სასარგებლოდ იყო. ეს იყო პრობლემური არჩევნები, იყო ბევრი დარღვევა, თუმცა, ჯამურად გამიჭირდება თქმა, რომ ეს არჩევნები ცალსახად გაყალბებული არჩევნებია. ეს იყო ძალიან პრობლემური და რთული, სერიოზული არჩევნები“, - განაცხადა ლელა ტალიურმა.