მარინა კალიურანდი - მივესალმები ზაზა გახელაძის გათავისუფლებას - „ბორდერიზაციის“ მძვინვარე პროცესი და უკანონო გატაცებები უნდა შეწყდეს
მივესალმები ზაზა გახელაძის გათავისუფლებას და ვაფასებ საქართველოში ევროკავშირის სადამკვირვებლო მისიის შუამავლობას მის გათავისუფლებაში, - ამის შესახებ ევროპარლამენტარი მარინა კალიურანდი „ტვიტერში“ წერს.
მისი თქმით, საოკუპაციო ხაზთან „ბორდერიზაციის“ პროცესი და მოქალაქეების უკანონო გატაცებები უნდა შეწყდეს.
„ადმინისტრაციული სასაზღვრო ხაზის მიდამოებში „ბორდერიზაციის“ მძვინვარე პროცესი და საქართველოს მოქალაქეების უკანონო გატაცებები და დაკავებები უნდა შეწყდეს!,- წერს მარინა კალიურანდი.
მისი თქმით, ინციდენტების პრევენციისა და მათზე რეაგირების მექანიზმების ფარგლებში შეხვედრებისა და დისკუსიების გამართვა ძალიან მნიშვნელოვანია.
