ხატია დეკანოიძემ პროკურატურაში განცხადება შეიტანა, სადაც იმ პირების დაპატიმრებას ითხოვს, რომლებიც 5-6 ივლისს ძალადობისკენ მოუწოდებდნენ

„ნაციონალური მოძრაობის“ ერთ-ერთმა ლიდერმა, ხატია დეკანოიძემ გენერალურ პროკურატურაში, 5-6 ივლისს პარლამენტის წინ „თბილისი პრაიდის” წინააღმდეგ მიმდინარე აქციის ორგანიზატორებზე გამოძიების და სისხლის სამართლებრივი დევნის დაწყების მოთხოვნით, განცხადება შეიტანა.

როგორც დეკანოიძემ ჟურნალისტებთან საუბრისას აღნიშნა, მის მიერ წარმოდგენილ ვიდეოკადრებში აქციის ორგანიზატორები ღიად მოუწოდებენ ძალადობისკენ, რაც არის სისხლის სამართლის კოდექსის 239-ე მუხლის დანაშაული და ითვალისწინებს სისხლის სამართლებრივი პასუხისმგებლობას.

„დღეს მოვითხოვ სისხლის სამართლებრივი დევნის დაწყებას ყველა იმ ადამიანის წინააღმდეგ, რომლებიც ძალადობრივად მოუწოდებდნენ ადამიანების დასჯისკენ და რომელთა ძალადობრივმა მოწოდებებმაც გამოიწვია „ტვ პირველის” ოპერატორის, ლექსო ლაშქარავას სიკვდილი. მოვიტანე მტკიცებულებები განცხადებასთან ერთად, რომელშიც რამდენიმე ადამიანი - ზურაბ მახარაძე, კონსტანტინე მორგოშია, შოთა მარტინენკო და გურამ ფალავანდიშვილი ღიად ძალადობისკენ მოუწოდებენ ორგანიზებულ ჯგუფს, რაც არის სისხლის სამართლის კოდექსის 239-ე მუხლის დანაშაული და ითვალისწინებს პასუხისმგებლობას. ყველა ეს პირი სასწრაფო წესით უნდა დაიკითხონ და დადგეს სისხლის სამართლებრივი პასუხისმგებლობა. ჩვენ, რა თქმა უნდა, მოვითხოვთ ღარიბაშვილის, გომელაურის გადადგომას და მათ პასუხისმგებლობას, მაგრამ დღეს ეს ადამიანები, რომლებიც ძალადობისკენ მოუწოდებენ კონკრეტულ პირებს დაუყონებლივ უნდა იყვნენ დაპატიმრებულები”, - აღნიშნა ხატია დეკანოიძემ.

ირაკლი მელაშვილი - დასავლური კურსი დეკლარირებული გვაქვს, მაგრამ ხელისუფლებას მკაფიოდ აქვს გასაცემი პასუხი კითხვაზე - რატომ ამბობს საქართველო უარს დასავლეთის სამხედრო დახმარებაზე
მამუკა გამყრელიძე - პუტინისთვის საბედისწერო აღმოჩნდა შანხაის  სამიტი, მან სამარყანდში დაინახა, რომ  მარტო დარჩა, ამიტომაც შეცვალა ომის მიზანი
ქართული პრესის მიმოხილვა 03.10.2022
ბორის სოკოლოვი - პუტინს ნებისმიერ ფასად უნდა ომში გამარჯვება, ამაზეა დამოკიდებული მისი პოლიტიკური მომავალი და ფიზიკურად გადარჩენაც, მაგრამ არ ვარ დარწმუნებული, რომ იგი მზადაა, გამოიყენოს თუნდაც ტაქტიკური ბირთვული იარაღი
კახა ოქრიაშვილი - ჩვენი ეკონომიკა მინუსშია! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ
წარმატება, რომელსაც BTU-მ 6 წლის განმავლობაში მიაღწია
ქართული ხალხური სიმღერის გამორჩეულ ოსტატსა და ლოტბარს, ტრისტან სიხარულიძეს სპეციალური ჯილდო - „მადლიერების ჩიტი“ გადაეცა
ქართული ციფრული ბანკების გლობალური აღიარება
ვოლტი ზუგდიდშია