შს მინისტრისგან ვიცით, რომ მათ ყველაფერი გააკეთეს იძულების ფაქტების აღსაკვეთად, - ამის შესახებ საპარლამენტო უმრავლესობის წევრმა გურამ მაჭარაშვილმა 5 ივლისს მომხდარ ძალადობაზე პარლამენტში 18 ივლისს დაგეგმილ შს მინისტრის მოსმენასთან დაკავშირებით განაცხადა.

მისი თქმით, მინისტრთან კითხვები უმრავლესობასაც ექნება.

„ჩვენც გვექნება კითხვები ვახტანგ გომელაურთან, მაგალითად, იყო თუ არა შესაძლებელი, რომ იძულების ფაქტები მინიმუმამდე დასულიყო. შინაგან საქმეთა მინისტრისგან ვიცით, მათ ყველაფერი გააკეთეს, რომ ეს იძულება აღეკვეთათ, მაგრამ ბევრ ლოკაციაზე იყო აგრესიული ადამიანების იძულების ფაქტები, ამიტომ ვერ მოხერხდა მათი შეკავება, ამ ყველაფერზე 18 ივლისს ვიმსჯელებთ,"- განაცხადა მაჭარაშვილმა.