„დეოკუპაციისა და კონფლიქტის მშვიდობიანი მოგვარებისთვის საქართველოს სახელმწიფო სტრატეგიის“ შემუშავებისა და განხორციელების სამთავრობო კომისიის სხდომა გაიმართა

საგარეო საქმეთა სამინისტროში „დეოკუპაციისა და კონფლიქტის მშვიდობიანი მოგვარებისთვის საქართველოს სახელმწიფო სტრატეგიის“ შემუშავებისა და განხორციელების სამთავრობო კომისიის პირველი - საინაუგურაციო სხდომა გაიმართა.

ამის შესახებ ინფორმაციას საგარეო საქმეთა სამინისტრო ავცრელებს.

მათივე ცნობით, კომისიის სხდომას საგარეო საქმეთა მინისტრის პირველი მოადგილე ლაშა დარსალია ხელმძღვანელობდა.

საგარეო უწყების ინფორმაციით, საინაუგურაციო სხდომაზე განხილულ იქნა სამთავრობო კომისიის მიზნები, ამოცანები და სამომავლო საქმიანობა. სამთავრობო კომისიის თავმჯდომარემ აღნიშნა, რომ კომისიის ამოქმედების მიზანს საერთო ეროვნული პროცესის შექმნა წარმოადგენს, რომლის ფარგლებშიც შემუშავდება ერთიანი სახელმწიფოებრივი მიდგომა და სტრატეგიული ხედვა ქვეყნის დეოკუპაციისა და კონფლიქტის მშვიდობიანი მოგვარების მიმართულებით. ლაშა დარსალიამ განაცხადა, რომ იგეგმება ინკლუზიური პროცესის წარმართვა, რომელშიც ჩართული იქნებიან არამარტო სახელმწიფო უწყებები, არამედ საზოგადოების ფართო წრეები. კერძოდ, წლის ბოლომდე გაიმართება არაერთი შეხვედრა და დისკუსია, როგორც ხელისუფლების აღმასრულებელი და საკანონმდებლო ორგანოების წარმომადგენლების, ისე სამოქალაქო საზოგადოების - კვლევითი ცენტრების, არასამთავრობო ორგანიზაციების, ექსპერტების, იძულებით გადაადგილებული პირებისა და კონფლიქტის შედეგად დაზარალებული ადამიანების ჩართულობით.

საგარეო საქმეთა მინისტრის პირველი მოადგილის თქმით, პარალელურად, ინტენსიური სამუშაო პროცესი წარიმართება საერთაშორისო პარტნიორებთან, რათა საერთაშორისო თანამეგობრობის პროაქტიული ჩართულობითა და ქმედითი მხარდაჭერით შესაძლებელი გახდეს სტრატეგიის ეფექტიანად განხორციელება.

სამთავრობო კომისიის გადაწყვეტილებით, პირველივე სხდომაზე შეიქმნა კომისიის ფარგლებში მოქმედი უწყებათაშორისი სამუშაო ჯგუფი, რომელიც წლის ბოლომდე, საზოგადოების ფართო წრეების ჩართულობით, შეიმუშავებს „დეოკუპაციისა და კონფლიქტის მშვიდობიანი მოგვარებისთვის საქართველოს სახელმწიფო სტრატეგიის“ პროექტს.

კომისიის სხდომაში მონაწილეობა მიიღეს საქართველოს პარლამენტის ტერიტორიული მთლიანობის აღდგენისა და დეოკუპაციის საკითხებთან დაკავშირებული დროებითი კომისიის თავმჯდომარემ, იუსტიციის მინისტრის მოადგილემ, თავდაცვის მინისტრის მოადგილემ, შინაგან საქმეთა მინისტრის მოადგილემ, შერიგებისა და სამოქალაქო თანასწორობის საკითხებში სახელმწიფო მინისტრის მოადგილემ, სახელმწიფო უსაფრთხოების სამსახურის უფროსის პირველმა მოადგილემ, დაზვერვის სამსახურის უფროსის პირველმა მოადგილემ, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროსა და საგარეო საქმეთა სამინისტროს შესაბამისმა წარმომადგენლებმა.

საგარეო საქმეთა სამინისტროს ხელმძღვანელობით მოქმედი სამთავრობო კომისია, საქართველოს მთავრობის დადგენილებით, 2021 წლის 23 ივნისს შეიქმნა.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
საქართველოს ეროვნული უნივერსიტეტის და SEU DEVELOPMENT-ის ერთობლივი საჩუქარი SEU-ს სტუდენტს და ოლიმპიურ ჩემპიონს, ლაშა ბექაურს
ქართული ეროვნული მაუწყებლების მიერ ფასიანი ტრანზიტის მოთხოვნასთან დაკავშირებით საქართველოს საკაბელო ტელევიზიების კავშირი განცხადებას ავრცელებს
განახლებული ფორმატითა და მიზნებით - Setanta Sports-ი მაუწყებლობას 13 ქვეყანაში იწყებს
ჩაერთე სილქფესტის შეთავაზებებში და გაიაქტიურე დიდი მოცულობის ინტერნეტ და სასაუბრო პაკეტები
"ტანტა" და თერაპიის ცენტრი "გრადაცია" - Social Impact Award 2021-ის ფინალისტები ინკლუზიური მისიით