ამირან გამყრელიძე - სამედიცინო სფეროში დასაქმებული 65 ათასი ადამიანიდან აცრილი მხოლოდ 12 ათასია

დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, სამედიცინო სფეროში დასაქმებული 65 ათასი ადამიანიდან აცრილი მხოლოდ 12 ათასია. როგორც მან აღნიშნა, ამ 12 ათასიდან ყველაზე მეტი, 50% ექიმია.

„როცა იმუნიზაციის გეგმა მზადდებოდა, ჩვენ გვქონდა 65 ათასი ადამიანის პერსონალური სია, ვინც სამედიცინო სექტორშია დასაქმებული. ესენი არ არიან მხოლოდ ექიმები, ესენი არიან ექიმები, ექთნები, უმცროსი და დამხმარე სამედიცინო პერსონალი. იქიდან დღეს დაახლოებით 12 ათასამდე ადამიანია აცრილი. ამ 12 ათასში ყველაზე მეტი 50% კი ექიმი. ზოგადად ქვეყანაში 18 ათასი ექიმია, საიდანაც 30%-ია აცრილი, ანუ 6-იდან 7 ათასამადე. სამედიცინო პერსონალმა პანდემიის დროს ყველაზე დიდი დარტყმა მიიღო. თუ ჩვენთან, მოსახლოებაში, საერთო ინფიცირება 7%-ია, სამედიცინო პერსონალის ინფიცირება 33%-ია, ანუ 65 ათასი ადამიანიდან ინფიცირებულია 33%“, - განაცხადა გამყრელიძემ.

მისი თქმით, დარწმუნებულია, რომ სამედიცინო პერსონალი უფრო აქტიური იქნება აცრების დროს.

„ზოგადად სამედიცინო პერსონალის აცრა მოსახლეობასთან მიმართებით 2-ჯერ მეტია, მაგრამ ეს არ არის საკმარისი“, - განაცხადა ამირან გამყრელიძემ.

ამასთან, ამირან გამყრელიძემ ასევე ისაუბრა კოვიდგადატანილი პირების ვაქცინაციის შესახებ.

„ჩვენთან მოგეხსენებათ ვაქცინაცია ინფიცირების შემთხვევაში 120 დღის შემდეგ არის დაშვებული. ახალი ინიციატივაა, იმუნიზაციის საბჭოზე იხილება, რომ ეს 120 დღე შემცირდეს. მოგეხსენებათ, რიგ ქვეყნებში სხვადასხვაგვარადაა 30-იდან-90 დღემდე“, - განაცხადა გამყრელიძემ.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 29.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
„ფარმადეპოში“ თურქული მედიკამენტების ასორტიმენტი გაიზარდა
ბაზისბანკის მხარდაჭერით, ფონდ "ნატვრის ხის" საქველმოქმედო კონცერტი გაიმართა
VISA-ს და „ბიბლუსის“ ერთობლივი შეთავაზება მომხმარებელს - 30%-იანი ფასდაკლება სრულ ასორტიმენტზე
კომპანია FINA-ს წარმატების ისტორია - 11 წელი ბაზარზე
ტერაბანკისა და სააგენტოს „აწარმოე საქართველოში“ ხელშეწყობით, კახეთში სასტუმრო „ისევ ყვარელი“ განახლდა