ნოე ჟორდანიას ვაჟი, რეჯებ ჟორდანია, 99 წლის ასაკში გადაიცვალა. ინფორმაციას სოციალურ ქსელში ნოე ჟორდანიას შვილიშვილი ქრისტინე ფაღავა-ბულეზი ავრცელებს.
„რეჯებ ჟორდანია, ნოე ჟორდანიას ვაჟი, გადაიცვალა. 100 წლის გახდებოდა დეკემბერში (10 დეკემბერი 1921-15 ივლისი 2021).
მამა, ბიძა, ბაბუა, პარტნიორი, მუსიკოსი, მეზღვაური, მასწავლებელი, მწერალი, კატის მოყვარული, მოგზაურობის მოყვარული... მამამისის და დამოუკიდებელ საქართველოს ისტორიის ერთგული“, - წერს ქრისტინე ფაღავა-ბულეზი.
საქართველოს დემოკრატიული რესპუბლიკის მთავრობის თავმჯდომარეს ნოე ჟორნდანიას, ჰყავდა 4 შვილი - ასმათი, ნინა, ანდრეი და რეჯები.