"ევროპის უნივერსიტეტის" სამაგისტრო პროგრამამ მენეჯმენტში უპირობო აკრედიტაცია მიიღო

საგანმანათლებლო პროგრამების აკრედიტაციის საბჭოს გადაწყვეტილებით, "ევროპის უნივერსიტეტის" სამაგისტრო საგანმანათლებლო პროგრამამ მენეჯმენტში 7 წლის ვადით უპირობო აკრედიტაცია მიიღო. ამის შესახებ ინფორმაციას „ევროპის უნივერსიტეტი“ ავრცელებს. როგორც "ევროპის უნივერსიტეტის" ხარისხის განვითარების მიმართულებით ვიცე-რექტორმა სოფიო ხუნდაძემ განაცხადა, პროგრამა მნიშვნელოვანია, რადგან მასზე მოთხოვნა ბოლო წლებში საგრძნობლად გაიზარდა.

"გარე სამყაროდან მზარდი ზემოქმედების პირობებში, ნებისმიერი ბიზნესისა თუ ორგანიზაციისათვის სასიცოცხლო ამოცანას წარმოადგენს მმართველობითი პროცესების კვალიფიციურად განხორციელება და თანამედროვე მენეჯმენტის შესაძლებლობების სრულფასოვნად გამოყენება. ორგანიზაციის წარმატებული საქმიანობისათვის აუცილებელი კვალიფიციური მართვა მოითხოვს მართვის თანამედროვე მეთოდების მცოდნე, მაღალკვალიფიციური მმართველობითი კადრების მომზადებას.

"ევროპის უნივერსიტეტის" მენეჯმენტის სამაგისტრო საგანმანათლებლო პროგრამა ემსახურება სწორედ ისეთი კვალიფიციური კადრების მომზადებას, რომლებსაც აუცილებელ თეორიულ ცოდნასთან ერთად, აქვთ გლობალურ ბიზნესში მიმდინარე მოვლენებისა და პროცესების ანალიზის უნარი და შეუძლიათ ოპტიმალური გადაწყვეტილებების მიღება, ამასთან ერთად, გაცნობიერებული აქვთ ბიზნესის სოციალური პასუხისმგებლობაც - დაგეგმონ და განახორციელონ სამუშაო პროცესები ისე, რომ ისინი შეესაბამებოდნენ როგორც ორგანიზაციის, ასევე საზოგადოების ინტერესებს", - განაცხადა სოფიო ხუნდაძემ.

"ევროპის უნივერსიტეტმა" ბოლო თვეების განმავლობაში მიმდინარე და ახალი პროგრამებით აკრედიტაცია/ავტორიზაციის პროცესი წარმატებით გაიარა.

ამირან გამყრელიძე - თანამდებობის დატოვებას ვფიქრობდი, თუმცა ორი-სამი წლის შემდეგ, როცა ბოლომდე მივიყვანდი ორ დიდ ეროვნულ პროექტს, მაგრამ „კაცი ბჭობდა და ღმერთი იცინოდაო“
დიტერ ბოდენი - ქართულ-აფხაზური ურთიერთობების მოწესრიგების პროცესში საქართველო უნდა იყოს ლიდერი, სამწუხაროდ, ამ ეტაპზე ქართული მხრიდან ამას ვერ ვხედავ
ქართული პრესის მიმოხილვა 22.09.2022
თანამედროვე უსაფრთხოების დილემა: ქართული მრავალწახნაგა
Hallo - პირველი ვირტუალური მობილური ოპერატორი საქართველოში
Hotsale.ge-მ ვებგვერდზე განთავსებულ კვების ობიექტებში ჰიგიენურ-სანიტარული ნორმების მონიტორინგი დაიწყო
iPhone 14 უკვე ელიტ ელექტრონიქსში
ბაზისბანკის და ინტელექტ-კლუბ რა? სად? როდის? 10-წლიანი პარტნიორობა გრძელდება
საერთაშორისო სამეცნიერო კონფერენცია - "ონკოლოგია და ბირთვული მედიცინა" გაიმართა
კარფური და მასტერქარდი „ერთად ბავშვებისთვის“