მზად ვიყავით, რომ თუ ტანკებით დაიძვრებოდა „პრაიდი,“ ტანკების ქვეშ ჩავწოლილიყავით, თავი გაგვეწირა , - ამის შესახებ გურამ ფალავანდიშვილმა ჟურნალისტებს თბილისის მთავარი სამმართველოს დატოვების შემდეგ განუცხადა.

"ამას ყველა იძახდა, თუ „პრაიდი“ შედგება, მაგალითად, ჩვენ მზად ვიყავით, რომ თუ ტანკებით დაიძვრებოდა „პრაიდი,“ რაც მოხდა სერბეთში, ტანკების ქვეშ ჩავწოლილიყავით, თავი გაგვეწირა", - განაცხადა ფალავანდიშვილმა.

დღეს, გურამ ფალავანდიშვილი და მისი შვილი, ალექსანდრე ფალავანდიშვილი სამართალდამცავებმა საცხოვრებელი სახლიდან გაიყვანეს და პოლიციის განყოფილებაში გადაიყვანეს.

პოლიციის განყოფილების დატოვების შემდეგ ფალავანდიშვილმა თქვა, რომ გამოკითხვა ჯერ კიდევ გრძელდება, ამასთან, მოწმდება პირადი მიმოწერები.

როგორც ფალავანდიშვილმა ჟურნალისტებს განუმარტა, ის გამოკითხვაზე დაბრუნდება, თუ ამას გამოძება გადაწყვეტს.