ნიკა მელია - ღარიბაშვილმა რუბიკონი გადალახა და კობახიძესთან ერთად, ივანიშვილის დავალებით, საერთაშორისო საზოგადოებას დაუპირისპირდა - ფაქტობრივად, საგარეო კურსის ცვლილებაზე გააკეთეს განაცხადი

ღარიბაშვილი არის პრემიერ-მინისტრი, რომელმაც რუბიკონი გადალახა და დაუპირისპირდა კობახიძესთან ერთად, ივანიშვილის დავალებით მთელს საერთაშორისო საზოგადოებას. ფაქტობრივად, მათ განაცხადი გააკეთეს საგარეო კურსის ცვლილებასთან დაკავშირებით, - ამის შესახებ „ნაციონალური მოძრაობის” თავმჯდომარე ნიკა მელიამ საქართველოს პრემიერ-მინისტრ ირაკლი ღარიბაშვილზე საუბრისას განაცხადა.

მისი შეფასებით, რა ნაბიჯიც არ უნდა გადადგან, 2 ოქტომბერს „ხელისუფლება წააგებს“, რადგან დაუპირისპირდა ყველას - როგორც ადგილობრივ საზოგადოებას, ასევე საერთაშორისო საზოგადოებას და ჟურნალისტებს.

„სამართლიანი საზოგადოებრივი და საერთაშორიო პროტესტი არ მინელდება, პირიქით, უფრო გაგრძელდება, ვიდრე „ქართული ოცნება“ არ აიღებს პოლიტიკურ პასუხისმგებლობას. უნდა გადადგეს ბატონი ღარიბაშვილი და გომელაური, თუ ამ ნაბიჯებს არ გადადგამენ - მათთვისვე უარესი. თუ ღარიბაშვილს მოხსნიან, მთელი ეს ძალადობრივი ინფრასტრუქტურა, რომლის სათავეშიც დგას თავად ღარიბაშვილი, ჩამოეშლებათ, ამის გარეშე „ოცნება” არის განეიტრალებული და ეს მათ იციან.

თუ ღარიბაშვილი არ გადადგება, მასთან ერთად საარჩევნო კამპანიის წარმოება პრაქტიკულად წარმოუდგენელია მათთვისაც კი. როგორც მოიქცევიან მათი გადასაწყვეტია, რა ნაბიჯიც არ უნდა გადადგან, 2 ოქტომბერს ეს ხელისუფლება წააგებს, რადგან დაუპირისპირდა ყველას, როგორც ადგილობრივ საზოგადოებას, ასევე საერთაშორისო საზოგადოებას და ჟურნალისტებს. ამიტომ, ელემენტარული ადამიანური და პროფესიული სინდისი რომ ჰქონდეთ ამ ადამიანებს, უკვე უნდა გადამდგარიყვნენ, მაგრამ ივანიშვილის გარეშე ნაბიჯს ვერ გადადგამენ”, - აღნიშნა ნიკა მელიამ.

ნიკა მელიას თქმით, წინა ხელისუფლებამ დაუშვა მძიმე შეცდომა, როდესაც ტელეკომპანია „იმედთან“ მიმართებაში „ჩაიდინა სისულელე“ და მძიმე პოლიტიკური ფასის გადახდა მოუწია, „თუმცა ამ ხელისუფლებამ გააკეთა კიდევ უფრო უარესი, როდესაც მთელს ჟურნალისტთა ოჯახს ფიზიკურად დაუპირისპირდა“.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
საქართველოს ეროვნული უნივერსიტეტის და SEU DEVELOPMENT-ის ერთობლივი საჩუქარი SEU-ს სტუდენტს და ოლიმპიურ ჩემპიონს, ლაშა ბექაურს
ქართული ეროვნული მაუწყებლების მიერ ფასიანი ტრანზიტის მოთხოვნასთან დაკავშირებით საქართველოს საკაბელო ტელევიზიების კავშირი განცხადებას ავრცელებს
განახლებული ფორმატითა და მიზნებით - Setanta Sports-ი მაუწყებლობას 13 ქვეყანაში იწყებს
ჩაერთე სილქფესტის შეთავაზებებში და გაიაქტიურე დიდი მოცულობის ინტერნეტ და სასაუბრო პაკეტები
"ტანტა" და თერაპიის ცენტრი "გრადაცია" - Social Impact Award 2021-ის ფინალისტები ინკლუზიური მისიით