ბადრი ჯაფარიძე - ჩვენ  ვნახეთ კიდევ ერთი უპასუხისმგებლო ნაბიჯი - აუცილებლად მივაღწევთ, რომ შს მინისტრი პარლამენტში მოვიდეს

ჩვენ ვნახეთ შეუსაბამო ნაბიჯი „ქართული ოცნების“ მხრიდან აბსოლუტურად გულწრფელი და სამართლიანი პროტესტისადმი, - ამის შესახებ „ლელოს“ ერთ-ერთმა ლიდერმა, დეპუტატმა ბადრი ჯაფარიძემ პარლამენტის რიგგარეშე სესიის პლენარული სხდომის დახურვის შემდეგ ბრიფინგზე განაცხადა.

მისი თქმით, დღეს მედია ჭირისუფალია და მათი მხრიდან პროტესტი არის ბუნებრივი.

„ჩვენ მიგვაჩნია, რომ მთლიანად მედია არის დღეს ჭირისუფალი იმიტომ, რომ მათ დაკარგეს კოლეგა და მათი მხრიდან ის პროტესტი, რაც ჩვენ ვნახეთ, არის აბსოლუტურად ბუნებრივი.

პოლიტიკოსებს, ჩვენ გვევალება თანაგრძნობა, ამ პროტესტის გაზიარება და პროტესტის საპასუხოდ დარბაზის დატოვება. შესაბამისად, ჩვენ ვნახეთ შეუსაბამო ნაბიჯი „ქართული ოცნების“ მხრიდან აბსოლუტურად გულწრფელი და სამართლიანი პროტესტისადმი ადამიანების მხრიდან, რომლებმაც დაკარგეს თავიანთი კოლეგა, რომელთა კოლეგებიც სცემეს უმოწყალოდ. შესაბამისად, პასუხისმგებლიანი პოლიტიკოსები უნდა იყვნენ თქვენს გვერდით და არ უნდა გამოხატავდნენ პროტესტს დარბაზის დატოვებით.

დღეს ვნახეთ კიდევ ერთი უპასუხისმგებლო ნაბიჯი. ჩვენ მივაღწევთ აუცილებლად იმას, რომ მინისტრი მოვიდეს და მან გასცეს პასუხები იმ მწვავე კითხვებს, რომელიც ჩვენ გვაქვს“, - განაცხადა ბადრი ჯაფარიძემ.

ცნობისთვის, პარლამენტის თავმჯდომარის გადაწყვეტილებით, დღევანდელი რიგგარეშე პლენარული სხდომა დაიხურა. შესაბამისად, შინაგან საქმეთა მინისტრის მოსმენა დღეს აღარ გაიმართება.

გადაწყვეტილების შესახებ პარლამენტის თავმჯდომარე კახა კუჭავამ განაცხადა.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 29.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
„ფარმადეპოში“ თურქული მედიკამენტების ასორტიმენტი გაიზარდა
ბაზისბანკის მხარდაჭერით, ფონდ "ნატვრის ხის" საქველმოქმედო კონცერტი გაიმართა
VISA-ს და „ბიბლუსის“ ერთობლივი შეთავაზება მომხმარებელს - 30%-იანი ფასდაკლება სრულ ასორტიმენტზე
კომპანია FINA-ს წარმატების ისტორია - 11 წელი ბაზარზე
ტერაბანკისა და სააგენტოს „აწარმოე საქართველოში“ ხელშეწყობით, კახეთში სასტუმრო „ისევ ყვარელი“ განახლდა