„ლელო საქართველოსთვის“ ერთ-ერთი ლიდერის, ბადრი ჯაფარიძის განცხადებით, ევროპული საბჭოს პრეზიდენტ შარლ მიშელთან შეხვედრისას ოპოზიციის წარმომადგენლებმა ბევრი უნდა ისაუბრონ იმ შეთანხმებასთან დაკავშირებით, რომელიც სწორედ მიშელის მედიაციით შედგა.
როგორც ჯაფარიძემ ევროპული საბჭოს პრეზიდენტთან შეხვედრის დაწყებამდე ჟურნალისტებს განუცხადა, ისაუბრებენ შეთანხმების განხორცილების პროცესზე, „იმაზე, თუ როგორ ირღვევა ცალმხრივად „ქართული ოცნების“ მიერ“.
„ბევრი სასაუბრო გვაქვს იმ შეთანხმებასთან დაკავშირებით, რომელიც პრეზიდენტ მიშელის მედიაციით შედგა. ვისაუბრებთ მისი განხორციელების პროცესზე , იმაზე, თუ როგორ ირღვევა ცალმხრივად „ქართული ოცნების“ მიერ. ასევე საუბარი გვექნება საქართველოში მიმდინარე სხვა პროცესებთან დაკავშირებით.
ძალიან ბევრი თემაა, რომელზეც ვისაუბრებთ პრეზიდენტ მიშელთან და ეს არის ძალიან კარგი შესაძლებლობა. ძალიან მნიშვნელოვანია ჩვენი ქვეყნისთვის, რომ მოკლე პერიოდში ევროკავშირის უმაღლესი თანამდებობს პირი ქვეყანაში მესამედ იმყოფება, ეს არის ჩვენი ქვეყნის მნიშვნელოვანი პოლიტიკური მოვლენა“, - აცხადებს ბადრი ჯაფარიძე.
ცნობისთვის, ევროპული საბჭოს პრეზიდენტი შარლ მიშელი საქართველოში 18 ივლისს ჩამოვიდა. პოლიტიკური შეხვედრების პარალელურად ის ბათუმის მე-17 საერატაშორისო კონფერენციაში „ევროკავშირის მიზიდულობის ძალა და რეგიონის ტრანსფორმაცია" მიიღებს მონაწილეობას