19 აპრილის შეთანხმებას არღვევს ყველა და ამაზე ისაუბრებს ლევან იოსელიანი შარლ მიშელთან შეხვედრისას, - ამის შესახებ „მოქალაქეების" ერთ-ერთმა ლიდერმა ალეკო ელისაშვილმა ჟურნალისტებთან განაცხადა. როგორც მან აღნიშნა, „ქართულმა ოცნებამ" მიშელის შეთანხმების მნიშვნელოვანი პუნქტი დაარღვია, მაგრამ იქამდე დოკუმენტი სხვებმა დაარღვიეს.

„ყველა არღვევს ვისაც არ ეზარება. „ქართულმა ოცნებამ" ურთულესი მუხლი დაარღვია, ეს არის მოსამართლეების და მართლმსაჯულების რეფორმა. მანამდე სხვებმა დაარღვიეს, „ლელომაც" დაარღვია, რადგან შეთანხმებას ხელი მოაწერა და საარჩევნო კანონმდებლობას ხმა არ მისცა. „ნაციონალური მოძრაობა" საერთოდ არ შეუერთდა შეთანხმებას, მაგრამ პარლამენტში შემოვიდა და ა.შ“, - განაცხადა ელისაშვილმა.