შარლ მიშელი - ერთ თაობაში მანძილი თქვენს საზოგადოებებსა და ევროკავშირს შორის უპრეცედენტოდ შემცირდა

ერთ თაობაში მანძილი თქვენს საზოგადოებებსა და ევროკავშირს შორის უპრეცედენტოდ შემცირდა , - ამის შესახებ ევროპული საბჭოს პრეზიდენტმა შარლ მიშელმა ბათუმის საერთაშორისო კონფერენციის გახსნაზე სიტყვით გამოსვლისას, საქართველოზე, უკრაინასა და მოლდოვაზე საუბრისას განაცხადა.

როგორც შარლ მიშელმა აღნიშნა, ასოცირების პარტნიორებს შორის მჭიდრო ურთიერთობა მნიშვნელოვანია.

„ჩვენი შეხვედრა აქ თქვენთან, საქართველოს, უკრაინისა და მოლდოვას ლიდერებთან, არის მნიშვნელოვანი ქვაკუთხედი და ხაზს უსვამს განსაკუთრებულ კავშირებს, რაც ევროკავშირს მის ასოცირებულ პარტნიორებთან აკავშირებს. და ჩვენ მივესალმებით „ტრიოს“ ინიციატივას, რომ გაძლიერდეს კოორდინაცია ასოცირების პარტნიორებს შორის და ბრიუსელთან. ეს კიდევ უფრო მეტად მოგვცემს საუკეთესო პრაქტიკის გაზიარების შესაძლებლობას, უფრო ფართო დღის წესრიგზე მომავლისთვის. ჩვენ დღეს ასევე განვიხილავთ, როგორ დავნერგოთ უფრო ახლო კოორდინაცია ასოცირების პარტნიორებს შორის და ნება მიბოძეთ, ერთი შეთავაზება გავაკეთო : დავნერგოთ სასამართლო რეფორმის კონკურენტური ნიშნული, ეს სტიმულს მისცემს რეფორმის პროცესს და გაზრდის პარტნიორებს შორის ურთიერთმხარდაჭერას და ხელს შეუწყობს ევროკავშირთან თქვენი ახლო კავშირების გამყარებას.

მიმაჩნია, რომ ჩვენი აღმოსავლეთ პარტნიორობა არის ის ლოკომოტივი ტრანსოფრმაციის, კეთილდღეობისა და ზრდისთვის. ეს არის ძლიერი სიმბოლო ღიაობის, ურთიერთნდობისა და ჩვენი თანამშრომლობის. თქვენთვის დამოუკიდებლობის ერთი თაობა არსებობს და ამ ერთ თაობაში მანძილი თქვენს საზოგადოებებსა და ევროკავშირს შორის უპრეცედენტოდ შემცირდა. ევროკავშირი თქვენი ყველაზე ერთგული პარტნიორია უფრო მეტი დემოკრატიისთვის, მეტი სტაბილურობისთვის, მეტი კეთილდღეობისთვის და რაც მთავარია, თქვენი ქვეყნების მოსახლეობის სასარგებლოდ,“- აღნიშნა ევროპული საბჭოს პრეზიდენტმა.

ირაკლი მელაშვილი - დასავლური კურსი დეკლარირებული გვაქვს, მაგრამ ხელისუფლებას მკაფიოდ აქვს გასაცემი პასუხი კითხვაზე - რატომ ამბობს საქართველო უარს დასავლეთის სამხედრო დახმარებაზე
მამუკა გამყრელიძე - პუტინისთვის საბედისწერო აღმოჩნდა შანხაის  სამიტი, მან სამარყანდში დაინახა, რომ  მარტო დარჩა, ამიტომაც შეცვალა ომის მიზანი
ქართული პრესის მიმოხილვა 03.10.2022
ბორის სოკოლოვი - პუტინს ნებისმიერ ფასად უნდა ომში გამარჯვება, ამაზეა დამოკიდებული მისი პოლიტიკური მომავალი და ფიზიკურად გადარჩენაც, მაგრამ არ ვარ დარწმუნებული, რომ იგი მზადაა, გამოიყენოს თუნდაც ტაქტიკური ბირთვული იარაღი
კახა ოქრიაშვილი - ჩვენი ეკონომიკა მინუსშია! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ
წარმატება, რომელსაც BTU-მ 6 წლის განმავლობაში მიაღწია
ქართული ხალხური სიმღერის გამორჩეულ ოსტატსა და ლოტბარს, ტრისტან სიხარულიძეს სპეციალური ჯილდო - „მადლიერების ჩიტი“ გადაეცა
ქართული ციფრული ბანკების გლობალური აღიარება
ვოლტი ზუგდიდშია