რომან გოცირიძე - თუ ჩაიხსნება ამნისტიის საკითხი, იმავე დღეს შეუერთდება „ნაციონალური მოძრაობა“ მიშელის შეთანხმების დოკუმენტს

თუ ჩაიხსნება ამნისტიის საკითხი, რა თქმა უნდა, იმავე დღეს შეუერთდება „ნაციონალური მოძრაობა“ შარლ მიშელის შეთანხმების დოკუმენტს, - ამის შესახებ ჟურნალისტებთან „ნაციონალური მოძრაობის" დეპუტატმა რომან გოცირიძემ განაცხადა, რითაც გამოეხმაურა ევროპული საბჭოს პრეზიდენტის შარლ მიშელის განცხადებას, რომ შეთანხმებას ყველა საპარლამენტო პარტია უნდა მიუერთდეს.

გოცირიძის თქმით, მათთვის ამნისტიის პუნქტი არის მიუღებელი, რაც შეეხება შეთანხმების დანარჩენ ნაწილს, ისინი მხარს უჭერენ დოკუმენტს და მის შესრულებას.

„რაც შეეხება შეთანხმების მიერთების საკითხს, არაერთხელ გვითქვამს, ეს ამნისტია წაახალისებს დანაშაულს, თუ ერთხელ ეპატიება ვინმეს ის დანაშაული, რომელიც აქ ჩაიდინეს და დაასახიჩრეს ადამიანები, რა გარანტია გვაქვს, რომ ეს დამნაშავეები, რომლებმაც ჟურნალისტები დაარბიეს, მომავალში არ მოითხოვენ ამნისტიას? ამ დოკუმენტში არის კარგი ჩანაწერებიც, 43 პროცენტზე, სასამართლოზე, ოღონდ ეს სასამართლო გადაახიეს თავზე, ეს ჩანაწერები მიღწეულ იქნა ბრძოლის შედეგად, მათ შორის, „ნაციონალური მოძრაობის" ბრძოლის შედეგად, „ნაციონალური მოძრაობის" ოფისის შტურმით აღების და მისი ლიდერის დაპატიმრების შემდეგ. ამიტომ ყოველთვის ვამბობდით, ჩვენ ამ დოკუმენტს მხარს ვუჭერდით და დავუჭერთ მხარს, გარდა იმ შემთხვევისა, როცა დამნაშავეების შეწყალება ხდება ამნისტიის შედეგად", - განაცხადა გოცირიძემ.

ის აქვე გამოეხმაურა მიშელის განცხადებას სასამართლოს ნაწილში და აღნიშნა, რომ ამ განცხადებითაც დადასტურდა, რომ ქვეყანას სანქციები ემუქრება.

„შარლ მიშელის განცხადება იყო ძალიან შემაშფოთებელი, მან კიდევ ერთხელ ახსენა სანქციები, არათუ 75 მილიონი ევრო, 75 ცენტიც რომ იყოს შეჩერებული, ეს იმას ნიშნავს, რომ ინვესტორების ნდობა ქვეყნის მიმართ ნულამდე ჩამოვა, ეს გავლენას მოახდენს სხვა სახის დახმარებებზე და მათ შორის, დიდი კითხვის ნიშნის ქვეშ დააყენებს იმ 4 - მილიარდიანი დახმარების პაკეტს, რაც საქართველომ უნდა მიიღოს ევროკავშირისგან. ამიტომ, როგორ რბილადაც არ უნდა მოგვჩვენებოდა მისი განცხადებები, ფაქტი სახეზეა - ქვეყანას ემუქრება სანქციები,"- განაცხადა გოცირიძემ.

ბორის სოკოლოვი - პუტინს ნებისმიერ ფასად უნდა ომში გამარჯვება, ამაზეა დამოკიდებული მისი პოლიტიკური მომავალი და ფიზიკურად გადარჩენაც, მაგრამ არ ვარ დარწმუნებული, რომ იგი მზადაა, გამოიყენოს თუნდაც ტაქტიკური ბირთვული იარაღი
ქართული პრესის მიმოხილვა 30.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
კახა ოქრიაშვილი - ჩვენ, ქართველებს არ გვეკადრება ისეთი ხელისუფლება, რომელსაც საკუთარი ერი ფიზიკურ და ფსიქოლოგიურ ტერორში ჰყავს
კომპანია „აზრმა“ BDO Digital-თან თანამშრომლობით ISO 27001 სტანდარტი დანერგა
ბაზისბანკის ინვესტიციით, მესტიაში სასტუმრო „ლილეო ინნ“ გაიხსნა
სიახლე მხოლოდ „ლიბერთის“ მომხმარებლებისთვის
„შეცვალე“ – „პროკრედიტ ბანკი“ მასშტაბურ გარემოსდაცვით კამპანიას იწყებს
ვებ-გვერდ ss.ge-ზე ვიზიტორთა რაოდენობა 60 000-მდე გაიზარდა, მათ შორის 30% უცხო ქვეყნის მოქალაქეა
WhiteBit კრიპტოვალუტის ბირჟაზე ხელმისაწვდომი გახდა დოლარისა და ევროს გატანა Visa/Mastercard-ზე, ისევე როგორც უკრაინული გრივნის გატანა IBAN საბანკო ანგარიშის ნომერზე
„ჰიუნდაი ავტო საქართველომ“ 25 წლის იუბილე აღნიშნა
უძრავი ქონების პლატფორმას - Georgia Real Estate ახალი გენერალური დირექტორი ჰყავს
ბაზისბანკი, ბიზნესის დაკრედიტების ზრდის ტემპით, პირველ ადგილზეა
PSP “ჯანმრთელობის პროგნოზი“ - ახალ კამპანიას იწყებს