თინა ბოკუჩავა კალაძეს - არ გამოვა ასე, ბატონო კახა, უნდა აირჩიოთ, ან ხართ ღარიბაშვილისეული შავრაზმელი ან მილანელი, ურბანული ტიპის პერსონაჟი

ასე არ გამოვა, ბატონო კახა, თქვენ უნდა აირჩიოთ - ან ხართ ღარიბაშვილისეული შავრაზმელი, რომელიც დგას დუგინის მიერ მოწონებულ, პრორუსულ, რადიკალ მოძალადე ჯგუფებზე, ან თქვენ ხართ მილანელი, ურბანული ტიპის პერსონაჟი, რომელიც ცდილობს, რომ ვაკე, ვერა და ა.შ. ასეთ სამეზობლოებში, რაღაც ხმები აიღოს, - ამის შესახებ „ნაციონალური მოძრაობის“ წევრმა, თინა ბოკუჩავამ „პალიტრანიუსის“ გადაცემაში, „360 გრადუსი“ განაცხადა.

თინა ბოკუჩავას თქმით, 5 ივლისის მოვლენებთან დაკავშირებით, თბილისის მერის, კახა კალაძის შეფასება არასერიოზულია.

„რაც შეეხება კახა კალაძის უკიდურესად ფარისევლურ, არაგულწრფელ და არასერიოზულ განცხადებას, ეს რომ ყოფილიყო ოპოზიციური პარტიის წარმომადგენელი, რომელიც გულისწყრომას გამოხატავს იმასთან დაკავშირებით, რომ ნახა ძალადობა, მაშინ შეიძლება, ვიღაცას მართლაც, მისი გულწრფელობა დაეჯერებინა, მაგრამ უკაცრავად, ის არის მაღალი თანამდებობის პირი, არჩეული თბილისის მერი, მმართველი გუნდის გავლენიანი წევრი. როდესაც მოწოდებას ვაკეთებთ, რომ ეს პირები უნდა დააკავონ, იმიტომ რომ, ვიდეომტკიცებულებები არსებობს, პირდაპირ ეთერში გადაიცემოდა მათ ძალადობრივი მოწოდებები, რომლებმაც არა თუ ადამიანები დააზიანეს, ადამიანი მოკლა. კახა კალაძე რას მიკეთებს, თუ მწყაზარი სახით დადგება და გამოხატავს გულისწყრომას, ამით ჰგონია, რომ ერთი მხრივ, შეინარჩუნებს შავრაზმელებს და ამ შავრაზმულ ძალებზე დადგება არჩევნების დროს, მეორე მხრივ, რაღაც „ქუულ“ კალაძის მილანურ იმიჯს მაინც დაიტოვებს? - არ გამოვა ასე, ბატონო კახა. თქვენ უნდა აირჩიოთ, ან ხართ ღარიბაშვილისეული შავრაზმელი, რომელიც დგას დუგინის მიერ მოწონებულ, პრორუსულ, რადიკალ მოძალადე ჯგუფებზე, ან თქვენ ხართ მილანელი, ურბანული ტიპის პერსონაჟი, რომელიც ცდილობს, რომ ვაკე, ვერა და ა.შ, ასეთ სამეზობლოებში, რაღაც ხმები აიღოს“,- განაცხადა თინა ბოკუჩავამ.

პარტია „ქართული ოცნება - დემოკრატიული საქართველოს“ თბილისის მერობის კანდიდატმა, კახა კალაძემ მედიის წარმომადგენლებს მიმართა და 5 ივლისს, დედაქალაქში განვითარებული მოვლენები შეაფასა.

როგორც მან სიტყვით გამოსვლისას აღნიშნა, ყველა ის ადამიანი, ვინც მედიის წარმომადგენლებზე ძალადობდა, ქვეყნის განვითარებას და მომავალს აზიანებდა.

„ყველა ის ადამიანი, ვინც 5 ივლისს გიმეტებდათ, გირტყამდათ, ძალადობდა, აზიანებდა ქვეყნის განვითარებასა და ხვალინდელ დღეს - ეს დასჯადი ქმედებაა და ეს ყველაფერი სამარცხვინოა“, - განაცხადა კალაძემ.

ისრაელის ელჩი - საქართველოს ყველა მეგობრისთვის 5 ივლისის მოვლენები აბსოლუტურად შოკისმომგვრელი იყო
ქართული პრესის მიმოხილვა 29.07.2021
კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
გიორგი ხვედელიანი - ვადამდელი არჩევნების დანიშვნას მიშელის ხელშეკრულება კი არა, ქართველი ხალხის ნება გადაწყვეტს
კომპანია "იორკ თაუერსმა" დავით ტურაშვილთან ერთად ახალი კამპანია წამოიწყო
"სამსუნგის" Bespoke მაცივარი - შექმნილია შენთვის, შენ მიერ (R)
GIZ-ის მხარდაჭერით დაგეგმილია გარემოს ეროვნული სააგენტოს ხელშეწყობა თანამედროვე მონიტორინგული სისტემების დანერგვის პროცესში
„ნიკოს ეზო“ და „ფარდაგები რაჭიდან“ - Social Impact Award-ის ფინალისტები საგანმანათლებლო სფეროდან