იაგო ხვიჩია - „ქართული ოცნება“ სწორად იქცევა, რომ თავის ყველაზე ძლიერ კანდიდატს, მთავარ საბრძოლო ადგილას აყენებს - კალაძე ამ არჩევნებზე ბევრი, სხვადასხვა მიზეზის გამო არის ფავორიტი

კახა კალაძე, მერი, საქართველოს ნაკრების ყოფილი კაპიტანი ამ არჩევნებზე თბილისის მერად ბევრი სხვადასხვა მიზეზის გამო არის ფავორიტი, თუ ოპოზიციამ მართლა რამე არ მოიფიქრა, უფრო სერიოზული, ვიდრე ადამიანების შერჩევაა, რომელიც ინდივიდუალურად მოუგებს კახა კალაძეს, - ამის შესახებ პარტია „გირჩის“ ერთ-ერთმა ლიდერმა, იაგო ხვიჩიამ „პალიტრანიუსის“ გადაცემაში, „360 გრადუსი“ განაცხადა.

როგორც ხვიჩიამ აღნიშნა, მნიშვნელოვანია ოპოზიციის მხრიდან გადაიდგას კონკრეტული ნაბიჯები, რომ თბილისის მერის არჩევნებზე, კახა კალაძეს კონკურენცია გაუწიოს.

„ოპოზიცია, თბილისის მერის არჩევნებისთვის, ბევრად მომზადებული უნდა იყოს, ვიდრე დღეს არის. თბილისის არჩევნებზე დომინაცია გავლენას მოახდენს შედეგზე. „ქართული ოცნება“ სწორად და რაციონალურად იქცევა, რომ თავის, ყველაზე ძლიერ კანდიდატს, მთავარ საბრძოლო ადგილას აყენებს.

ოპოზიცია უნდა ემზადებოდეს იმისთვის, რომ ადამიანები მიიყვანოს არჩევნებზე, მიუხედავად იმისა, რომ ერთ მხარეს, კახა კალაძის ცნობადობა და ავტორიტეტი დგას, მეორე მხარეს იდგეს შესაბამისი იდეა, რომელიც ამას გადაწონის. ეს არის სწორი მიმართულება, მაგრამ ამის სანაცვლოდ მე ხომ ვიცი, ოპოზიცია რას გააკეთებს, - ისევ ემოციური გამოსვლები, ქოცების ლანძღვა-გინება, აქტიური საარჩევნო კამპანია, რომ სხვებს ყურადღეება არ დარჩეთ.

პირობითად, რა მოხდა იმ დღეს პარლამენტში - შევიდა „ნაცმოძრაობა,“ იხმაურა, მოაწყო კონცერტი, ჩაიშალა სხდომა. იმ დღეს იყვნენ „ქოცები“ და „ნაცები,“ მეტი არავინ. ეს არის სტრატეგია“, - განაცხადა იაგო ხვიჩიამ.

ირაკლი მელაშვილი - დასავლური კურსი დეკლარირებული გვაქვს, მაგრამ ხელისუფლებას მკაფიოდ აქვს გასაცემი პასუხი კითხვაზე - რატომ ამბობს საქართველო უარს დასავლეთის სამხედრო დახმარებაზე
მამუკა გამყრელიძე - პუტინისთვის საბედისწერო აღმოჩნდა შანხაის  სამიტი, მან სამარყანდში დაინახა, რომ  მარტო დარჩა, ამიტომაც შეცვალა ომის მიზანი
ქართული პრესის მიმოხილვა 03.10.2022
ბორის სოკოლოვი - პუტინს ნებისმიერ ფასად უნდა ომში გამარჯვება, ამაზეა დამოკიდებული მისი პოლიტიკური მომავალი და ფიზიკურად გადარჩენაც, მაგრამ არ ვარ დარწმუნებული, რომ იგი მზადაა, გამოიყენოს თუნდაც ტაქტიკური ბირთვული იარაღი
კახა ოქრიაშვილი - ჩვენი ეკონომიკა მინუსშია! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ
წარმატება, რომელსაც BTU-მ 6 წლის განმავლობაში მიაღწია
ქართული ხალხური სიმღერის გამორჩეულ ოსტატსა და ლოტბარს, ტრისტან სიხარულიძეს სპეციალური ჯილდო - „მადლიერების ჩიტი“ გადაეცა
ქართული ციფრული ბანკების გლობალური აღიარება
ვოლტი ზუგდიდშია