ირაკლი კოვზანაძე - ახლა კრიტიკულად მნიშვნელოვანია სწორად მოხდეს კოვიდის მართვა, თითოეული თეთრის მიზნობრივი ხარჯვა - ამას ჩვენ გავაკონტროლებთ

ახლა კრიტიკულად მნიშვნელოვანია სწორად მოხდეს კოვიდის მართვა, თითოეული თეთრის მიზნობრივი ხარჯვა - ამას ჩვენ გავაკონტროლებთ, - ამის შესახებ პარლამენტის საფინანსო-საბიუჯეტო კომიტეტის თვამჯდომარე ირაკლი კოვზანაძემ კომიტეტის სხდომაზე განაცხადა, სადაც 2021 წლის სახელმწიფო ბიუჯეტში ცვილელების პროექტი განიხილეს.

კოვზანაძის განცხადებით, კანონპროექტის მიხედვით, 2021 წლის სახელმწიფო ბიუჯეტის ასიგნებების ზრდის (1.1 ლარის) ძირითადი ნაწილი, დაახლოებით 600 მლნ. ლარი, მოდის COVID-19-ის მართვის, ჯანმრთელობის და სოციალური დაცვის ღონისძიებებზე.

კომიტეტის თავმჯდომარემ კიდევ ერთხელ მიმართა თანამოქალაქეებს აიცრან და ამით გადაარჩინონ საკუთარი სიცოცხლე და ქვეყნის ეკონომიკა.

რაც შეეხება ბიუჯეტის ძირითად პარამეტრებს, ირაკლი კოვზანაძის თქმით, მთლიანი შიდა პროდუქტი 3, 4%-ით 7.7 % მდე იზრდება, დეფიციტი მცირდება 7, 6%-დან 6, 9%-მდე.

„იმედი მაქვს, რეალური დეფიციტი მნიშვნელოვნად ნაკლები იქნება. მნიშვნელოვანია, რომ სამთავრობო ვალი მცირდება 54, 6%-მდე ანუ 5, 4% -ით. ბიუჯეტის შემოსულობები ჯამში 1 175 მლნ ლარით, ხოლო გადასახდელები 1 114 მლნ ლარით იზრდება და აღწევს თითქმის 19.5 მილიარდ ლარს“, - აღნიშნა ირაკლი კოვზანაძემ.

საბიუჯეტო ცვლილებების პროექტს ხვალ რიგგარეშე სესიაზე განიხილავენ და კენჭს უყრიან.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს