გენადი არველაძე უკრაინის ბიზნეს-დელეგაციის წარმომადგენლებს შეხვდა

ეკონომიკისა და მდგრადი განვითარების მინისტრის მოადგილე გენადი არველაძე უკრაინის ბიზნეს-დელეგაციის წარმომადგენლებს შეხვდა და მათთან საქართველო-უკრაინის ეკონომიკური თანამშრომლობის პრიორიტეტული მიმართულებები განიხილა. ამის შესახებ ინფორმაციას ეკონომიკისა და მდგრადი განვითარების სამინისტრო ავრცელებს.

მათივე ინფორმაციით, მინისტრის მოადგილემ სტუმრებს გააცნო საქართველოს ეკონომიკაში მიმდინარე დადებითი ტენდენციები, რომელიც ორნიშნა ეკონომიკურ ზრდასა და გაზრდილ ექსპორტს მოიცავს. მისი თქმით, უკრაინა საქართველოს ერთ-ერთი უმთავრესი სავაჭრო - ეკონომიკური პარტნიორია, თუმცა, არსებობს სექტორები, სადაც შესაძლებელია მეტი კოორდინაცია და თანამშრომლობის კიდევ უფრო გაღრმავება. აღინიშნა, რომ უკრაინა საქართველოს უმსხვილესი სავაჭრო პარტნიორების ათეულში შედის. 2021 წლის პირველ ხუთ თვეში ორმხრივი ვაჭრობა 32 პროცენტით, ხოლო ექსპორტი - 72 პროცენტით გაიზარდა. გარდა ამისა, საქართველო ერთ-ერთი პოპულარული მიმართულებაა უკრაინელი ტურისტებისთვის. მიმდინარე წლის პირველ ექვს თვეში უკრაინიდან ვიზიტორთა რაოდენობა ზრდადი დინამიკით ხასიათდება და ამ მაჩვენებლით უკრაინა ტოპ-ქვეყნების ხუთეულში შედის.

ამასთან, სტუმრები დაინტერესდნენ საქართველოს ბიზნეს და საინვესტიციო გარემოთი, თავისუფალი ვაჭრობის შეთანხმებებით, რომლებიც საქართველოს გაფორმებული აქვს ევროკავშირთან, ჩინეთთან და სხვა ქვეყნებთან. ასევე ყურადღება გამახვილა საქართველოში მოქმედ თავისუფალ ინდუსტრიულ ზონებსა და იქ ბიზნესის განვითარების შესაძლებლობებზე, აგრეთვე თანამშრომლობის გაღრმავებაზე სატრანსპორტო - ლოგისტიკურ ცენტრებთან.

შეხვედრაზე აღინიშნა, რომ საქართველო და უკრაინა რჩებიან მნიშვნელოვან სავაჭრო - ეკონომიკურ პარტნიორებად და ძალისხმევას მიმართავენ ამ თანამშრომლობის შემდგომი განვითარებისთვის.

ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
ქართული პრესის მიმოხილვა 29.07.2021
ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
რა უპირატესობები აქვს სამსუნგის სმარტფონს ოფიციალური ჰოლოგრამით?
სიახლე PSP-სგან - ფრანგული დერმატოლოგიური კოსმეტიკის ინოვაციური ბრენდი SVR უკვე საქართველოშია
გაყინული კრემიდან „თოლიას“ რეცეპტებამდე, ანუ ყველაფერი, რაც ნაყინის შესახებ უნდა იცოდე
ბათუმში „მაგნიტის“ ახალი ფორმატის ფილიალი - „მაგნიტი მაქსი“ გაიხსნა
რომში “ინტელიექსპრესის” ახალი ფილიალი გაიხსნა