ალექსანდრე რაქვიაშვილი - რას დაუპირისპირებს ნიკა მელია კახა კალაძეს, რომ „ქართულ ოცნებას" ებრძვის?

მერის ფუნქციას რომ გადავხედოთ ამომრჩევლის გადმოსახედიდან, მერი ვინ არის? - ადამიანი, რომელიც დადის და ჰპირდება, მილებს გავიყვან, გზას გავაკეთებ, რაღაცას შევღებავ და ა.შ. წარმოიდგინეთ, ამ შემთხვევაში რას დაუპირისპირებს ნიკა მელია კახა კალაძეს, რომ ის „ქართულ ოცნებას" ებრძვის? - ამის შესახებ პარტია „გირჩის“ ერთ-ერთმა ლიდერმა, ალექსანდრე რაქვიაშვილმა „პალიტრანიუსის“ გადაცემაში, „360 გრადუსი“ განაცხადა.

როგორც რაქვიაშვილმა აღნიშნა, დიდი ალბათობით, ოპოზიციის კანდიდატად ნიკა მელია დასახელდება.

მისივე თქმით, ვინც კახა კალაძეს მისცემს ხმას, პროპორციულ ნაწილში, შესაძლოა „ნაციონალურ მოძრაობას“ დაუჭიროს მხარი.

„მე რაც ვიცი კულუარულად, ნიკა მელია ყველაზე დიდი ალბათობით დასახელებული იქნება, თუმცა, მანამდე იყო სხვადასხვა ვერსიები და არ გამოვრიცხავ, რომ კიდევ რაიმე ახალი გაჩნდეს. ამომრჩევლის გადმოსახედიდან ერთ მხარეს გყავს მერი, რომელიც რაღაცნაირი მერია, მოგწონს თუ არ მოგწონს სხვა საკითხია და მეორე მხრივ, ადამიანი, რომელიც მერობას არც განიხილავს მერობად, არამედ ერთ-ერთ ეტაპს, რომ ბიძინა ივანიშვილი დაამარცხოს.

ძალიან პრაგმატულად, ჩემი გადმოსახედიდან, ამომრჩევლის დიდ ნაწილში, ისიც კი წარმომიდგენია, რომ ვიღაც კახა კალაძეს მისცემს ხმას და პროპორციულ სიაში „ნაციონალურ მოძრაობას.“ „ქართული ოცნების“ წისქვილზე წყალს ასხამს ოპოზიციის შეცდომები, რომელიც მუდმივად ხდება, ეს უფრო დიდი პრობლემაა ოპოზიციისთვის.

უშუალოდ კახა კალაძე რომ შევაფასოთ, იმდენად არ მომწონს ის, რაც ქალაქში გააკეთა, მე მაგალითად, ვერ გამოვდგები მის მხარდამჭერად, მაგრამ დაველოდოთ სხვა კანდიდატებს. ზოგადად, მე პესიმისტი ვარ, ამ ნაწილში. არავის მისცე ხმა, ამ შემთხვევაში, ესეც ალტერნატივა იქნება“, - განაცხადა ალექსანდრე რაქვიაშვილმა.

ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
ქართული პრესის მიმოხილვა 29.07.2021
ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
რა უპირატესობები აქვს სამსუნგის სმარტფონს ოფიციალური ჰოლოგრამით?
სიახლე PSP-სგან - ფრანგული დერმატოლოგიური კოსმეტიკის ინოვაციური ბრენდი SVR უკვე საქართველოშია
გაყინული კრემიდან „თოლიას“ რეცეპტებამდე, ანუ ყველაფერი, რაც ნაყინის შესახებ უნდა იცოდე
ბათუმში „მაგნიტის“ ახალი ფორმატის ფილიალი - „მაგნიტი მაქსი“ გაიხსნა
რომში “ინტელიექსპრესის” ახალი ფილიალი გაიხსნა