საქართველოს პარლამენტთან არსებული ჰერალდიკის სახელმწიფო საბჭოს თავმჯდომარედ დაინიშნა საქართველოს სახელმწიფო გერბის ავტორი, ჰერალდიკის საერთაშორისო აკადემიის ასოცირებული წევრი მამუკა გონგაძე.
მამუკა გონგაძე 2008-2021 წლებში საქართველოს პარლამენტთან არსებული ჰერალდიკის სახელმწიფო საბჭოს თავმჯდომარის მოადგილე იყო;
2005-2008 - საქართველოს პრეზიდენტთან არსებული ჰერალდიკის სახელმწიფო მუდმივმოქმედი კომისის წევრი; 1992-2000 - წლებში საქართველოს თავდაცვის სამინისტროს სამხედრო დიზაინის განყოფილების უფროსი;
1995-2005 საქართველოს პრეზიდენტთან არსებული სახელმწიფო სიმბოლოების დამდგენი კომისიის წევრი.
მამუკა გონგაძე საქართველოს სახელმწიფო გერბის ავტორია (2004);
"ამასთან, ის ავტორია საქართველოს სახელმწიფო ჯილდოები (1997-2005): „ოქროს საწმისის ორდენი“, „ეროვნული გმირის ორდენი“, „წმინდა გიორგის გამარჯვების ორდენი“; მედალი „სამოქალაქო თავდადებისთვის“.
საქართველოს სახელმწიფო დაწესებულებათა ემბლემები (1991-2008): თავდაცვის სამინისტრო, შინაგან საქმეთა სამინისტრო, სახელმწიფო დაცვის სპეციალური სამსახური, უშიშროების სამსახური, სასაზღვრო ძალები, საბაჟო სამსახური;
საქართველოს მუნიციპალური სიმბოლოები: გერბი და დროშა (2005-2008): ქუთაისი, ფოთი, ამბროლაური, ონი, დმანისი, ბოლნისი, თეთრიწყარო, მარნეული, წალენჯიხა, სამტრედია.
საქართველოს ეროვნული ბანკის საცირკულაციო, საიუბილეო, საინვესტიციო და მემორიალური მონეტები (2006-2009): 50 თეთრის ნომინალი, 1 ლარის ნომინალი, 2 ლარის ნომინალი, “ოქროს საწმისი”, “თბილისი-ბაქო-ჯეიჰანი”; “ილორი”; „ახალგაზრდული ოლიმპიადა“; „ჩინეთის ოლიმპიადა 2008“, „საქართველოს რესპუბლიკის 100 წელი“; „რაგბი - 2019“;
საქართველოს სახელმწიფო დაწესებულებათა სპეციალური ფორმის ტანსაცმელი (უნიფორმები), ატრიბუტიკა და სამხედრო სიმბოლიკა (1991-2008): საქართველოს შეიარაღებული ძალები (1992,
1999, 2005). საქართველოს პოლიცია (1993, 1999, 2005, 2007); საქართველოს სასაზღვრო ძალების (2001), საბაჟო სამსახური (2002), ფინანსური პოლიცია (2000).
საქართველოს სახელმწიფო სამხედრო-საბრძოლო დროშათა პაკეტი (1997, 2005, 2017)
საქართველოს სახელმწიფო დაწესებულებათა ჯილდოები: სასაზღვრო ძალები; თავდაცვის სამინისტრო: მედალი ,,დიდგორი", მედალი ,,გიორგი ანწუხელიძე"; მედალი „თეთრი გიორგი“; შინაგან საქმეთა სამინისტრო; სახელმწიფო უსაფრთხოების სამსახური; სახელმწიფო დაცვის სპეციალური სამსახური;
ქართული ეროვნული ფულის ბანკნოტები (1991) (გამოფენილია ფულის მუზეუმში);
ქართული ლარის ნიშანი (2006);
საქართველოს სახელმწიფო დოკუმენტი: მართვის მოწმობა (2006), სატრანსპორტო საშუალების მოწმობა (2010), უცხოეთში მცხოვრებ თანამემამულის მოწმობა“, - ნათქვამია ინფორმაციაში.