კახა კუჭავა „უსაფრთხოების საგანგებო რეჟიმს“ უკავშირებს იმ ფაქტს, რომ არასამთავრობო ორგანიზაციების წარმომადგენლებს პარლამენტში შესვლის უფლებას არ აძლევენ

პარლამენტის თავმჯდომარის, კახა კუჭავას განცხადებით, პარლამენტში უსაფრთხოების საგანგებო რეჟიმი მოქმედებს, რათა პარლამენტის მუშაობას საფრთხე არ შეექმნას.

როგორც კუჭავამ ბიუროს სხდომაზე განაცხადა, ვერ დაუშვებს იმას, რომ სხდომის ჩატარებას რაიმე საფრთხე შეექმნას.

აღნიშნული განცხადება კუჭავამ მას შემდეგ გააკეთა, რაც ფრაქცია “ლელო პარტნიორობა საქართველოსთვის“ თავმჯდომარემ განმარტება მოითხოვა, თუ რატომ არ უშვებენ პარლამენტის შენობაში არასამთავრობო ორგანიზაციების წარმომადგელებს, რომლებზეც საშვები დაშვებულია. როგორც ჯაფარიძემ აღნიშნა, მათ პარლამენტში მისვლა პრესკონფერენციის ჩასატარებლად სურდათ.

„რამდენიმე არასამთავრობო ორგანიზაციამ საშვი ითხოვა. მათ მივეცით, მაგრამ კვლავ არ უშვებენ. თუკი ეს უსაფრთხოების ზომები გამო ხდება, მაშინ წინასწარ გვითხარით, რომ ამ ხუთი არასამთავრობო ორგანიზაციის შემოშვება არ შეიძლება, რადგან უსაფრთხოების რისკებს ქმნის. არ შეიძლება ადამიანების ასე უსაფუძვლოდ შეზღუდვა. რაღა აზრი აქვს საშვთა სისტემას ან პარლამენტში ადამიანების მოწვევას, თუ კი ვინმე უცაბედედ გადაწყვეტს, რომ აღარ უნდა შემოუშვათ“, - მიმართა ბადრი ჯაფარიძემ კახა კუჭავას.

კუჭავამ ჯაფარიძეს განუცხადა, რომ სამომავლოდ, უსაფრთხოების საგანგებო რეჟიმის ამოქმედების თაობაზე ინფორმაციას წინასწარ მიაწვდის, რათა საშვების დაშვებასთან დაკავშირებით ეს გაითვალისწინონ.

„ნახეთ ბოლო რიგგარეშე სხდომა როგორ წარიმართა. ერთ-ერთი სხდომა ჩაიშალა კიდეც. სწორედ წესრიგია მთავარია, რაც მე უნდა უზრუნველვყო. მოქმედებს უსაფრთხოების რეჟიმი იმისთვის, რომ პარლამენტის მუშაობას საფრთხე არ შეექმნას“, - განაცხადა კუჭავამ.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 22.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს