არჩილ თალაკვაძე - ოპოზიცია თვითონვე ამბობს და ჩვენც ზუსტად იგივე პოზიცია გვაქვს, რომ ოპოზიციას გაუჭირდება კახა კალაძის კონკურენტული კანდიდატის შერჩევა
ოპოზიცია თვითონვე ამბობს და ჩვენც ზუსტად იგივე პოზიცია და დამოკიდებულება გვაქვს, რომ ოპოზიციას გაუჭირდება კახა კალაძის კონკურენტული კანდიდატის შერჩევა, თუმცა ეს არ ნიშნავს, რომ მათ მონაწილეობაზე უარი უნდა თქვან, - ამის შესახებ პარლამენტის ვიცე- სპიკერმა არჩილ თალაკვაძემ თვითმმართველობის არჩევნებზე საუბრისას განაცხადა.
მისი თქმით, ოპოზიციას შესაძლებლობა აქვს რამდენიც სურს იმდენი კანდიდატი დააყენოს.
„ჩვენ რეფორმები გავატარეთ და უზრუნველვყავით ყველანაირად ის, რომ იყოს კონკურენტული გარემო რაც ნიშნავს იმას, რომ ოპოზიციას აქვს შესაძლებლობა რამდენიც სურს იმდენი კანდიდატურა დააყენოს თვითმმართველობის არჩევნებში. ჩვენ წარვადგინეთ ძალიან ძლიერი კანდიდატი, თბილისის ერთ-ერთი ყველაზე წარმატებული მერი კახა კალაძე და რა თქმა უნდა, ოპოზიცია თვითონვე ამბობს და ჩვენც ზუსტად იგივე პოზიცია და დამოკიდებულება გვაქვს, რომ ოპოზიციას გაუჭირდება კახა კალაძის კონკურენტული კანდიდატის შერჩევა, თუმცა ეს არ ნიშნავს, რომ მათ მონაწილეობაზე უარი უნდა თქვან. მათ უნდა წარადგინონ კანდიდატები და მონაწილეობა უნდა მიიღონ თვითმმართველობის არჩევნებში“, - განაცხადა არჩილ თალაკვაძემ.
