დღევანდელი დღე ადასტურებს, რომ არ გსურდათ შს მინისტრ ვახტანგ გომელაურისთვის კრიტიკული კითხვები დაგვესვა, - ამ განცხადებით ფრაქცია „ქართული ოცნების“ დეპუტატებს ხათუნა სამნიძემ მიმართა.
სამნიძემ ყურადღება იმ გარემოებაზე გაამახვილა, რომ რიგგარეშე სხდომაზე საბიუჯეტო ცვლილებების განხილვა იმ ფონზე მიმდინარეობს, როცა მედიის წარმომადგენლების მხრიდან სასესიო დარბაზის აივნიდან გადმოფენილია ბანერი - “დასაჯეთ მოძალადეები“
„ჟურნალისტების პროტესტი ფონზე, შს მინისტრი პარლამენტში არ დარჩა, გაიქცა და კითხვებს პასუხი არ გასცა. ახლა ზუსტად იგივე ვითარებაა, იგივე გზავნილია და თურმე ბიუჯეტზე საუბარი შეიძლება. ცოტა თანმიმდევრულები იყავით“, - მიმართა სამნიძემ უმრავლესობის წევრებს.