გიორგი ვაშაძე - საქართველოში მართლმსაჯულება მიტაცებული აქვს „კლანს“ და ეს კიდევ ერთხელ დადასტურდა აშშ-ის სახელმწიფო დეპარტამენტის განცხადებაში

საქართველოში მართლმსაჯულება მიტაცებული აქვს „კლანს“ და ეს კიდევ ერთხელ დადასტურდა აშშ-ის სახელმწიფო დეპარტამენტის განცხადებაში, - ამის შესახებ „სტრატეგია აღმაშენებლის" ლიდერმა გიორგი ვაშაძემ ჟურნალისტებთან განაცხადა.

მისი შეფასებით, სახელმწიფო დეპარტამენტის განცხადებაში ყველაზე რეალისტურია ის, რომ ​სანამ სასამართლოს გასაღები ხალხს არ გადაეცემა, ქვეყანაში არც ეკონომიკა განვითარდება და არც პოლიტიკური ტურბულენციები დაწყნარდება.

„ჩვენი საერთო ამოცანა უნდა იყოს დასავლელ პარტნიორებთან ერთად ვაიძულოთ „ქართული ოცნება" დაიწყოს ფუნდამენტალური რეფორმები მართლმსაჯულებაში. ამისათვის ჩვენ გვაქვს კონკრეტული ინიციატივა და ეს არის უცხოელ მოსამართლეთა, ექსპერტთა პანელი, რომლებმაც ერთი მხრივ ახალ შერჩევაში უნდა მიიღონ მონაწილეობა, იმისათვის, რომ სანდო ინსტიტუცია ჩაერთოს პროცესში და მეორე მხრივ რევერსულად განიხილოს უკვე დანიშნული მოსამართლეების საკითხი, რამდენად შეესაბამება მათი განვლილი ცხოვრება სტატუსს. ამაზე ინტესიური დიალოგი და დისკუსია გვაქვს ჩვენს დასავლელ პარტნიორებთან, ასევე საქართველოში მოქმედ არასამთავრობო სექტორთან, პოლიტიკურ ჯგუფებთან და დარწმუნებული ვარ ჩვენ მივაღწევთ იმას, რომ მართლმსაჯულების გასაღებს გადავცემთ საქართველოს მოქალაქეებს. საქართველოში ელიტური კორუფცია და კლანური მართლმსაჯულება არის განმაპირობებელი იმ საშინელი გაჭირვების და შიმშილის, რაც ქვეყანაშია და ეს უნდა გვესმოდეს. ამიტომ ჩვენი მთავარი მიზანი არის გამოვტაცოთ მართლმსაჯულება კლანს", - განაცხადა ვაშაძემ.

გაამართლა თუ არა მართვის მოწმობის ასაღები გამოცდის რეალურ მოძრაობაში გადატანამ და როგორია ჩაბარება-ჩაჭრის მაჩვენებელი? - ინტერვიუ შსს-ს მომსახურების სააგენტოს დირექტორის მოადგილესთან
ქართული პრესის მიმოხილვა 03.10.2022
ირაკლი მელაშვილი - დასავლური კურსი დეკლარირებული გვაქვს, მაგრამ ხელისუფლებას მკაფიოდ აქვს გასაცემი პასუხი კითხვაზე - რატომ ამბობს საქართველო უარს დასავლეთის სამხედრო დახმარებაზე
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო
კახა ოქრიაშვილი - ჩვენი ეკონომიკა მინუსშია! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ
წარმატება, რომელსაც BTU-მ 6 წლის განმავლობაში მიაღწია
ქართული ხალხური სიმღერის გამორჩეულ ოსტატსა და ლოტბარს, ტრისტან სიხარულიძეს სპეციალური ჯილდო - „მადლიერების ჩიტი“ გადაეცა