ირაკლი ღარიბაშვილი - მადლობა ჯო ბაიდენს, მადლობა ამერიკას!

ქალბატონო ელჩო, მე მინდა, მადლობა გადაგიხადოთ ჩვენი მთავრობის სახელით და ჩვენი ხალხის სახელით. მე მინდა, მადლობა გადავუხადო ამერიკის პრეზიდენტს, ბატონ ჯო ბაიდენს, ამერიკის მთავრობას და ამერიკელ ხალხს ამ დახმარებისთვის. ნახევარი მილიონი დოზა "ფაიზერი" დღეს საქართველოშია, - ამის შესახებ პრემიერ-მინისტრმა ირაკლი ღარიბაშვილმა თბილისის საერთაშორისო აეროპორტში განაცხადა, სადაც ამერიკიდან "ფაიზერის" 500 000 დოზის საქართველოში ჩამოტანასთან დაკავშირებით იმყოფებოდა.

პრემიერი მოუწოდებს მოსახლეობას, აქტიურად ჩაერთოს ვაქცინაციის კამპანიაში, რათა დაიცვან საკუთარი და ახლობლების ჯანმრთელობა.

"ჩვენ ახლა აქტიურად უნდა დავიწყოთ ვაქცინაციის პროცესი, ჩვენ გვაქვს სრული მზაობა, რომ მოსახლეობასთან დავიწყოთ აქტიური კომუნიკაცია, აქტიური კამპანია. აუცილებელი არის, რომ ვაქცინაციის პროცესი გაფართოვდეს და ჩვენ ამისთვის სრული მზაობა გვაქვს. მე მინდა ასევე, ვისარგებლო შემთხვევით და ამერიკის მთავრობას გადავუხადო მადლობა იმ დახმარებისთვის, რომელიც ამერიკამ გაუწია საქართველოს მანამდე, კოვიდპანდემიის მართვის დროს და მის შემდეგ და ახლა უკვე კონკრეტული დახმარებისთვის, "ფაიზერის" ვაქცინის მოწოდებისთვის. ამასთან,მე მინდა აღვნიშნო, რომ 1 მილიონი დოზა "ფაიზერი" გვაქვს შესყიდული უშუალოდ მომწოდებლებისგან, "ფაიზერის" კომპანიისგან, რომელიც ძალიან მალე ჩამოვა საქართველოში. კიდევ ერთხელ მე მინდა, ჩვენს მოსახლეობას მივმართო თხოვნით, რომ ყველა ჩავერთოთ ამ კამპანიაში და ყველა ავიცრათ. დავიცვათ ჩვენი სიცოცხლე, ჩვენი ჯანმრთელობა, ჩვენი მეგობრების, მშობლების, ახლობლების ჯანმრთელობა. მადლობა ჯო ბაიდენს, მადლობა ამერიკას“, - განაცხადა ირაკლი ღარიბაშვილმა.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს