საგანგებო სიტუაციების მართვის სამსახურის თანამშრომლებმა კლიმატის რისკის მართვის და პრევენციის მიმართულებით სპეციალური სწავლება გაიარეს

შინაგან საქმეთა სამინისტროს საგანგებო სიტუაციების მართვის სამსახურის სამოქალაქო უსაფრთხოების დეპარტამენტის თანამშრომლებმა გაეროს განვითარების პროგრამის (UNDP) ხელშეწყობით სპეციალური სწავლება გაიარეს. ამის შესახებ ინფორმაციას შინაგან საქმეთა სამინისტროს საგანგებო სიტუაციების მართვის სამსახური ავრცელებს. მათივე ინფორმაციით, გადამზადების 10 - დღიანი კურსის ფარგლებში, ძირითად თემას საგანგებო მართვის გეგმაზე მუშაობა წარმოადგენდა.

„სწავლების 12-მა მონაწილემ კვალიფიკაცია კლიმატის რისკის მართვის და პრევენციის მიმართულებით აიმაღლეს, რის შემდეგაც სამოქალაქო უსაფრთხოების დეპარტამენტის თანამშრომლები მიღებულ ცოდნას და გამოცდილებას 11 მუნიციპალიტეტში, ადგილობრივი ხელისუფლების წარმომადგენლებს გაუზიარებენ.

სამაგიდო სწავლება შინაგან საქმეთა სამინისტროს პოლიციის აკადემიაში წარიმართა და მას დარგის საერთაშორისო ექსპერტები ხელმძღვანელობდნენ.

კურსის გახსნის ღონისძიებას საგანგებო სიტუაციების მართვის სამსახურის უფროსის პირველი მოადგილე ლევან ღირსიაშვილი და UNDP-ის მოქმედი ხელმძღვანელი ანა ჩერნიშოვა დაესწრნენ.

სწავლება UNDP-ის კლიმატის მწვანე ფონდის (GCF) ფინანსური მხარდაჭერით იმართება. ფონდი საქართველოს მთავრობას კლიმატის რისკის ინტეგრირებული მართვის (CRM) პროაქტიული მიდგომის დანერგვაში ეხმარება, რაშიც საგანგებო სიტუაციების მართვის სამსახურიც აქტიურადაა ჩართული”, - ნათქვამია ინფორმაციაში.

ამირან გამყრელიძე - თანამდებობის დატოვებას ვფიქრობდი, თუმცა ორი-სამი წლის შემდეგ, როცა ბოლომდე მივიყვანდი ორ დიდ ეროვნულ პროექტს, მაგრამ „კაცი ბჭობდა და ღმერთი იცინოდაო“
დიტერ ბოდენი - ქართულ-აფხაზური ურთიერთობების მოწესრიგების პროცესში საქართველო უნდა იყოს ლიდერი, სამწუხაროდ, ამ ეტაპზე ქართული მხრიდან ამას ვერ ვხედავ
ქართული პრესის მიმოხილვა 22.09.2022
თანამედროვე უსაფრთხოების დილემა: ქართული მრავალწახნაგა
Hallo - პირველი ვირტუალური მობილური ოპერატორი საქართველოში
Hotsale.ge-მ ვებგვერდზე განთავსებულ კვების ობიექტებში ჰიგიენურ-სანიტარული ნორმების მონიტორინგი დაიწყო
iPhone 14 უკვე ელიტ ელექტრონიქსში
ბაზისბანკის და ინტელექტ-კლუბ რა? სად? როდის? 10-წლიანი პარტნიორობა გრძელდება
საერთაშორისო სამეცნიერო კონფერენცია - "ონკოლოგია და ბირთვული მედიცინა" გაიმართა
კარფური და მასტერქარდი „ერთად ბავშვებისთვის“