ნათია თურნავა - იმედი გვაქვს, დამატებითი ვალდებულების შემოღების გარეშეც მოვახერხებთ მასობრივ ვაქცინაციას

კარგი ტენდენციაა და იმედი გვაქვს, დამატებითი ვალდებულების შემოღების გარეშეც მოვახერხებთ მასობრივ ვაქცინაციას, - ამის შესახებ ეკონომიკისა და მდგრადი განვითარების მინისტრმა ნათია თურნავამ მთავრობის სხდომის შემდეგ გამართულ ბრიფინგზე ვაქცინაციის პროცესთან დაკავშირებით განაცხადა.

გარდა ამისა, როგორც თურნავამ აღნიშნა, არის სფეროები, სადაც დასაქმება საერთაშორისო დონეზე ხდება და უცხო ქვეყნის დამსაქმებელი სავალდებულოდ ვაქცინირებულ თანამშრომლებს მოითხოვს. მისივე თქმით, ვაქცინირების სტატუსი უფრო გააქტიურებს საზღვარგარეთ მოგზაურობას.

„ვაქცინის ხელმისაწვდომობის პრობლემა დღის წესრიგიდან მოხსნილია, ახლა საუბარია რეგიონებში ინფორმაციის ხელმისაწვდომობაზე.

ჯერჯერობით არ ვფიქრობთ, რომ დავუშვათ შეზღუდვების დაწესება ამ თვალსაზრისით. ვაქცინაცია ნებაყოფლობითია. „ფაიზერზე“ ერთი იმდენი ადამიანი დარეგისტრირდა, ვინც აქამდე იყო ვაქცინირებული. კარგი ტენდენციაა და იმედი გვაქვს, დამატებითი ვალდებულებების შემოღების გარეშეც მოვახერხებთ მასობრივ ვაქცინაციას. მაგრამ არის სფეროები, სადაც დასაქმება ხდება საერთაშორისო დონეზე. სხვადასხვა უცხო ქვეყნის დამსაქმებელი უკვე მოითხოვს სავალდებულოდ ვაქცინირებული თანამშრომლების ყოლას - ეს ეხება ზღვაოსნობას. ბათუმში მქონდა შესაძლებლობა გავსაუბრებოდი მეზღვაურებს. ისინი ამბობენ, რომ ბევრი უცხოური გემთმფლობელი კომპანია ითხოვს, რომ მეზღვაური, ვინც ბორტზე იქნება, იყოს ვაქცინირებული. სხვადასხვა ტიპის შეზღუდვა შემოაქვს სხვადასხვა ქვეყანას, ქვეყანაში შემოსვლასთან დაკავშირებით, ამიტომ არ გამოვრიცხავ, რომ ვაქცინირების სტატუსი უფრო გააქტიურებს საზღვარგარეთ მოგზაურობას.

ჯერჯერობით იმედი გვაქვს, ნებაყოფლობით პრინციპზე დაყრდნობით ამ ტემპებს გავზრდით“,- განაცხადა თურნავამ.

ამირან გამყრელიძე - თანამდებობის დატოვებას ვფიქრობდი, თუმცა ორი-სამი წლის შემდეგ, როცა ბოლომდე მივიყვანდი ორ დიდ ეროვნულ პროექტს, მაგრამ „კაცი ბჭობდა და ღმერთი იცინოდაო“
დიტერ ბოდენი - ქართულ-აფხაზური ურთიერთობების მოწესრიგების პროცესში საქართველო უნდა იყოს ლიდერი, სამწუხაროდ, ამ ეტაპზე ქართული მხრიდან ამას ვერ ვხედავ
ქართული პრესის მიმოხილვა 22.09.2022
თანამედროვე უსაფრთხოების დილემა: ქართული მრავალწახნაგა
Hallo - პირველი ვირტუალური მობილური ოპერატორი საქართველოში
Hotsale.ge-მ ვებგვერდზე განთავსებულ კვების ობიექტებში ჰიგიენურ-სანიტარული ნორმების მონიტორინგი დაიწყო
iPhone 14 უკვე ელიტ ელექტრონიქსში
ბაზისბანკის და ინტელექტ-კლუბ რა? სად? როდის? 10-წლიანი პარტნიორობა გრძელდება
საერთაშორისო სამეცნიერო კონფერენცია - "ონკოლოგია და ბირთვული მედიცინა" გაიმართა
კარფური და მასტერქარდი „ერთად ბავშვებისთვის“