არჩილ თალაკვაძე - პარლამენტის თავმჯდომარის ინიციატივით და მრავალპარტიული თანხმობით მიღებული რეზოლუცია კიდევ ერთხელ შეგვახსენებს, რომ ჩვენი სახელმწიფოს და ეროვნული ინტერესების დღის წესრიგში კვლავ ნომერ პირველი საკითხია დეოკუპაცია

პარლამენტის ვიცე -სპიკერის არჩილ თალაკვაძის განცხადებით, პარლამენტის თავმჯდომარის ინიციატივით და მრავალპარტიული თანხმობით მიღებული რეზოლუცია არის კიდევ ერთი ძლიერი სიგნალი, რომ ჩვენ არასოდეს შევეგუებით ჩვენი ქვეყნის ტერიტორიების ოკუპაციას და ადამიანის უფლებათა დარღვევებს, რომელიც ხდება ოკუპირებულ რეგიონებში.

ამის შესახებ არჩილ თალაკვაძემ ბიუროს სხდომაზე განაცხადა.

„რეზოლუცია ჩვენს თანამოქალაქეებს და თითოეულ ჩვენთაგანს ისევ და ისევ შეგვახსენებს, რომ ჩვენი სახელმწიფოს და ეროვნული ინტერესების დღის წესრიგში დღეს კვლავ ნომერ პირველი საკითხი არის დეოკუპაცია და ჩვენ მშვიდობიანი გზებით, საერთაშორისო სამართლის პრინციპებით და ჩვენი პარტნიორების მხარდაჭერით, ჩვენს თანამოქალაქეებთან ერთად უნდა განვაგრძოთ მუშაობა იმისთვის, რომ აღდგეს საქართველოს ტერიტორიული მთლიანობა და მჯერა, სწორედ ჩვენი თაობა იქნება ის თაობა, რომელიც აღადგენს ხიდებს და შეძლებს, რომ ხელოვნურად გაყოფილი საზოგადოება გააერთიანოს.

ჩვენი ხელისუფლების პირობებში ჩვენ თანმიმდევრულად ვიმუშავეთ, რათა ჩვენი სიმართლე საერთაშორისო ფორმატებშიც დაგვემტკიცებინა და საქართველომ უმნიშვნელოვანეს გამარჯვებას მიაღწია ადამიანის უფლებათა ევროპულ სასამართლოში, სადაც კიდევ ერთხელ და უკვე საერთაშორისო სამართლის დონეზე იქნა აღნიშნული და აღიარებული, რომ რუსეთის ფედერაციამ დაარღვია ჩვენი თანამოქალაქეების უფლებები და ამ უხეში დარღვევებისთვის ის ვალდებულია, რომ კომპენსაციები გადაიხადოს“,-განაცხადა არჩილ თალაკვაძემ.

ცნობისთვის, პარლამენტი დეოკუპაციისა და კონფლიქტის მშვიდობიანი მოგვარების შესახებ სპეციალურ რეზოლუციას მიიღებს. რეზოლუციის პროექტის ავტორები არიან პარლამენტის თავმჯდომარე კახა კუჭავა, პირველი ვიცე-სპიკერი გია ვოლსკი და პარლამენტის თავმჯდომარის კაბინეტის უფროსის მოადგილე ლევან მახაშვილი. რეზოლუცია განსახილველად საგარეო ურთიერთობათა კომიტეტს გადაეცემა და პარლამენტი მას მომდევნო რიგგარეშე სხდომაზე მიიღებს.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 30.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
კახა ოქრიაშვილი - ჩვენ, ქართველებს არ გვეკადრება ისეთი ხელისუფლება, რომელსაც საკუთარი ერი ფიზიკურ და ფსიქოლოგიურ ტერორში ჰყავს
კომპანია „აზრმა“ BDO Digital-თან თანამშრომლობით ISO 27001 სტანდარტი დანერგა
ბაზისბანკის ინვესტიციით, მესტიაში სასტუმრო „ლილეო ინნ“ გაიხსნა
სიახლე მხოლოდ „ლიბერთის“ მომხმარებლებისთვის
„შეცვალე“ – „პროკრედიტ ბანკი“ მასშტაბურ გარემოსდაცვით კამპანიას იწყებს
ვებ-გვერდ ss.ge-ზე ვიზიტორთა რაოდენობა 60 000-მდე გაიზარდა, მათ შორის 30% უცხო ქვეყნის მოქალაქეა
WhiteBit კრიპტოვალუტის ბირჟაზე ხელმისაწვდომი გახდა დოლარისა და ევროს გატანა Visa/Mastercard-ზე, ისევე როგორც უკრაინული გრივნის გატანა IBAN საბანკო ანგარიშის ნომერზე
„ჰიუნდაი ავტო საქართველომ“ 25 წლის იუბილე აღნიშნა
უძრავი ქონების პლატფორმას - Georgia Real Estate ახალი გენერალური დირექტორი ჰყავს
ბაზისბანკი, ბიზნესის დაკრედიტების ზრდის ტემპით, პირველ ადგილზეა
PSP “ჯანმრთელობის პროგნოზი“ - ახალ კამპანიას იწყებს