მამუკა მდინარაძის განცხადებით, ოპოზიციამ 6 თვის განმავლობაში არჩევნების თემა დღის წესრიგად აქცია, მაგრამ როცა საკითხის პარლამენტში განხილვა მიმდინარეობს, პროცესს მხოლოდ 3 ოპოზიციონერი ესწრება

ფრაქცია „ქართული ოცნების“ თავმჯდომარის მამუკა მდინარაძის განცხადებით, ოპოზიციამ 6 თვის განმავლობაში არჩევნების თემა დღის წესრიგად აქცია, მაგრამ როდესაც ამ საკითხის პარლამენტში განხილვა მიმდინარეობს, პროცესს მხოლოდ 3 ოპოზიციონერი ესწრება და „ნაციონალური მოძრაობის“ არც ერთი წარმომადგენელი.

როგორც მდინარაძემ პარლამენტის რიგგარეშე სესიის პლენარულ სხდომაზე განაცხადა, ოპოზიცია ამტკიცებდა, რომ არჩევნები გაყალბდა და რომ არა მმართველი გუნდის დეტალური ანგარიში, „მათ შეეძლოთ მეტად დაეზიანებინათ ქვეყანა“.

„ისინი დღემდე მონაწილეობას იღებდნენ სხვა პროცესში და ეს პროცესი ქვეყანაში 6 თვის განმავლობაში იყო დღის წესრიგის მთავარი თემა, ქვეყნის დღის წესრიგად გადააქციეს და ვნახეთ, 6-თვიანი ე.წ. პროტესტი ამ თემასთან დაკავშირებით. მაგრამ როდესაც ამ თემაზე კომისიამ მუშაობა დაასრულა და ეს თემა გამოდის განსახილველად, ოპოზიციის მხოლოდ სამი წარმომადგენელია დარბაზში, „ნაცმოძრაობიდან“ არცერთი.

შემკამათებელი არ გყავთ იმ თემაზე, რომელი თემითაც უნდოდათ არეულობის მოწყობა, 6 თვე, ვიდრე შეთანხმებას ხელი არ მოეწერა, აჯანჯღარებდნენ ამ ქვეყანას. ეს არც უტრირებულია და არც შეფასებაა, ფაქტებია. ამ თემით იყო ქვეყანაში არეულობის მოწყობის მცდელობა. ამტკიცებდნენ, რომ არჩევნები გაყალბებულია, ამას უნდა გამოეწვია საყოველთაო მღელვარება, რომ არა ჩვენი დეტალური ანგარიში, დეტალური სიმართლე წინასწარ და დღესაც, მათ შეეძლოთ მეტად დაეზიანებინათ ეს ქვეყანა“,- განაცხადა მდინარაძემ.

ცნობისთვის, 31 ოქტომბრის საპარლამენტო არჩევნების შემსწავლელი პარლამენტის დროებითი საგამოძიებო კომისიის თავმჯდომარე გივი მიქანაძე პარლამენტს კომისიის დასკვნას აცნობს.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 22.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს