საქართველოს პრეზიდენტი სალომე ზურაბიშვილი საქართველოს ოთხი დაცული ტერიტორიისთვის UNESCO-ს მსოფლიო ბუნებრივი მემკვიდრეობის სტატუსის მინიჭებას სოციალურ ქსელში ეხმაურება.
სალომე ზურაბიშვილის შეფასებით, ეს ღირსეული შენამატია მსოფლიო მემკვიდრეობის სიაში.
"აბსოლუტურად ღირსეული შენამატი მსოფლიო მემკვიდრეობის სიაში.
გასულ წელს ამ ულამაზესი და უნიკალური ეკოსისტემის მონახულება უდიდესი გამოცდილება იყო. საქართველოს სიმდიდრის ნაწილი, რომელიც ყველამ უნდა აღმოვაჩინოთ, შევინარჩუნოთ და დავიცვათ", - წერს სალომე ზურაბიშვილი twitter -ზე.
ცნობისთვის, საქართველოს ოთხ დაცულ ტერიტორიას: მტირალასა და კოლხეთის ეროვნულ პარკებსა და კინტრიშისა და ქობულეთის დაცულ ტერიტორიებს UNESCO-ს მსოფლიო ბუნებრივი მემკვიდრეობის სტატუსი მიენიჭა.