ანა დოლიძე თბილისის მერობის კანდიდატზე - „ნაცმოძრაობას“ და ყველა ოპოზიციურ პარტიას, მათ შორის "შუაშისტებს", ჩემთვის მხარი რომ დაეჭირათ, გამარჯვების უფრო დიდი შანსი იყო

„ნაციონალურ მოძრაობას“ და სხვა ყველა ოპოზიციურ პარტიას, მათ შორის შუაშისტებს, ჩემთვის მხარი რომ დაეჭირათ, გამარჯვების უფრო დიდი შანსი იყო, - ამის შესახებ „ხალხისთვის“ ლიდერმა, ანა დოლიძემ „პალიტრანიუსის“ გადაცემაში „360 გრადუსი“ განაცხადა.

ანა დოლიძე მიიჩნევს, რომ ოპოზიციურმა სპექტრმა მის კანდიდატურას იმიტომ არ დაუჭირა მხარი, რომ მისივე პოლიტიკური დღის წესრიგი მათთვის მიუღებელი აღმოჩნდა.

„თუ მაგიდაზე იქნება ასეთი არჩევანი, - „ოცნების“ და „ნაციონალური მოძრაობის“ კანდიდატი, ეს ხალხი დარჩება სახლში. მე ადრე შევთავაზე, დავაყენე ჩემი კანდიდატურა, რომ სიგნალი მიმეცა ოპოზიციისთვის. თბილისის მერობის კანდიდატად იმიტომ წარვადგინე ჩემი თავი, მთლიანად ოპოზიციისთვის, რომ მხარი დაეჭირათ ადამიანისთვის, რომელსაც არ ჰქონდა „ნაციონალებთან“ რაიმე კავშირი. მთავარ კოზირს არ მივცემდით ხელისუფლებას, რომ მხოლოდ „ნაციონალები“ არიან მეორე მხარეს. „ნაციონალურ მოძრაობას“ და სხვა ყველა ოპოზიციურ პარტიას, მათ შორის შუაშისტებს, რომ ჩემთვის მხარი დაეჭირათ, გამარჯვების უფრო დიდი შანსი იყო. ეს იქნებოდა მაშინ, „ნაციონალურ მოძრაობას“ პლიუს ყველა შუა. რატომ არ დამიჭირეს მხარი? - ალბათ, არ იზიარებენ ჩემს დღის წესრიგს. არც არავინ მოსულა ამის შემდეგ ჩემთან, მოსალაპარაკებლად. ყველა, ვინც მხარს დამიჭერდა, მხარს დაუჭერდა ამ დღის წესრიგს, რომელსაც თავის დროზე, ვატარებდი მათ შორის „ნაციონალური მოძრაობის“ მიმართაც“, - განაცხადა ანა დოლიძემ.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
(სტერეოტიპული) წარმოდგენები ცვალებადი გარემოებების პირისპირ: იდეალიზმიდან რეალიზმისაკენ
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს