თამარ კორძაია საპარლამენტო საქმიანობას ბოიკოტს უცხადებს

ოპოზიციონერი დეპუტატი თამარ კორძაია საპარლამენტო საქმიანობას ბოიკოტს უცხადებს.

როგორც მან „ინტერპრესნიუსს“ განუცხადა, „ქართულ ოცნებასთან“, რომელსაც ქვეყანა რუსული კურსისკენ დეკლარირებულად მიჰყავს, თანამშრომლობა შეუძლებელია.

„მე ამ შეთანხმებას ხელი მოვაწერე, იმიტომ რომ დასავლური კურსი არის მნიშვნელოვანი. ბევრი პუნქტი შეიძლება არ იყო მოსაწონი, მაგრამ შეთანხმება იყო დასავლური ეგიდით. ახლა კი იმ ძალა, რომელსაც ეს შეთანხმება უნდა შეესრულებინა მას ანულირებულად აცხადებს, არ აინტერესებს დასავლეთი, დასავლეთის შეფასება, ამიტომ მასთან საპარლამენტო თანამშრმლობა შეუძლებელია. „ქართულმა ოცნებამ“ რუბიკონი გადალახა. სანამ ის არ დაიხევს უკან, მასთან თანამშრომლობა შეუძლებელია და შეურაცხყოფილი უნდა იყოს ყველა, ვინც დოკუმენტს ხელი მოაწერა. კიდევ ერთი საკითხი - როცა დოკუმენტს ხელს ვაწერდით, მაშინ ვიყავით ოპოზიცია და ახლა აღმოჩნდა რომ მხოლოდ 10% გავხდით?! „ქართული ოცნების“ ორმაგ სტანდარტებს კი არ, ვერ შევუწყობ ხელს პარლამენტში სესიებზე შესვლით და კრტიიკული კითხვების დასმით. შესაბამისად, მათთან კომუნიკაციას საპარლამენტო ფორმატში არ აქვს აზრი. არჩევნების გზით უნდა დავამარცხოთ და ვაიძულოთ ის ვადამდელი არჩევნები დანიშნოს“, - განაცხადა თამარ კორძაიამ.

ცნობისთვის, საპარლამენტო მანდატები უკვე დატოვეს ზურაბ გირჩი ჯაფარიძემ და „ნაციონალური მოძრაობის“ თავმჯდომარემ ნიკა მელიამ. „ნაციონალური მოძრაობა“ კი საპარლამენტო საქმიანობას აგრძელებს.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს