ირაკლი კობახიძე განმარტავს, რატომ არ შედგა ამ დრომდე ევროპარლამენტარ ვიოლა ფონ კრამონთან „ქართული ოცნების“ წევრების შეხვედრა
„ქართული ოცნების“ თავმჯდომარე ირაკლი კობახიძე განმარტავს, რატომ არ შედგა ამ დრომდე ევროპარლამენტარ ვიოლა ფონ კრამონთან მისი პარტიის შეხვედრა.
როგორც კობახიძემ ბრიფინგზე განაცხადა, შეხვედრის დანიშვნა მმართველი გუნდის პრიორიტეტი არაა და ინიციატივა თავად კრამონს უნდა გამოეჩინა.
„ჩვენი პრიორიტეტი არ არის. ინიციატივა მას უნდა გამოეჩინა. ის არის ჩამოსული და გეგმავს თავის შეხვედრებს. რომ გამოეჩინა ინიციატივა, ჩვენი მხრიდან შედგებოდა შეხვედრა. ეს მასზე იყო დამოკიდებული, მისი პრიორიტეტია.
როგორც ჩანს, მას უნდა, „ნაცმოძრაობისგან“ ახსნა-განმარტების მიღება იმასთან დაკავშირებით, რატომ არ აწერდნენ ხელს შეთანხმებას“,- განაცხადა ირაკლი კობახიძემ.
