ირაკლი კობახიძის განმარტებით, შარლ მიშელის დოკუმენტის ანულირების საკითხზე ევროპულ მხარესთან კომუნიკაცია უმაღლეს დონეზე იყო.

როგორც კობახიძემ ჟურნალისტებს განუცხადა, მოხდა მოსაზრებების გაცვლა, თუმცა დეტალებს ვერ დააკონკრეტებს.

"რაც შეეხება შარლ მიშელთან კომუნიკაციას, გეტყვით, რომ კომუნიკაცია ზოგჯერ ფორმალურად წარმოებს და ზოგჯერ - არაფორმალურად. ზოგადად, უმაღლეს დონეზე იყო კომუნიკაცია, იყო მოსაზრებებისა და ინფორმაციის გაცვლა. დანარჩენი - თუ ორივე მხარე საჭიროდ ჩათვლის, ბუნებრივია, დეტალებსაც გარეთ გამოვიტანთ, თუმცა ეს არის შესათანხმებელი. მე მეტ ინფორმაციას ვერ მოგაწვდით", - განაცხადა ირაკლი კობახიძემ.