გია ვოლსკის განცხადებით, ცესკოს თავმჯდომარის არჩევის საკითხზე ოპოზიციას არა ბოიკოტი, არამედ, დესტაბილიზაციის მცდელობა აქვს

პარლამენტის ვიცე-სპიკერის გია ვოლსკის განცხადებით, ცესკოს თავმჯდომარის არჩევის საკითხთან დაკავშირებით ოპოზიციას არა ბოიკოტი, არამედ, დესტაბილიზაციის მცდელობა აქვს.

როგორც ვოლსკიმ ჟურნალისტებს განუცხადა, მმართველ გუნდში არც ჰქონდათ მოლოდინი, რომ ცესკოს თავმჯდომარის არჩევის საკითხზე შეთანხმება შედგებოდა.

"ვფიქრობთ, რომ ეს არ არის ბოიკოტი, ეს არის დესტაბილიზაციის მცდელობა, რომ ყველა საკითხში შეუთანხმებლობა იყოს. ისეთი კანდიდატურა წარმოადგინეს, რომელსაც პარალელური დათვლის გაყალბებაში აქვს მონაწილეობა მიღებული, მის ორგანიზაციას. ასე რომ, თავიდანვე არ ყოფილა შეთანხმების სურვილი. ცესკოს თავმჯდომარეობის კანდიდატურებსაც არაფერი დაეწუნებათ. აბსოლუტურად მოგონილი აბსურდია, რომ ისინი თითქოს კავშირში არიან "ქართულ ოცნებასთან", - განაცხადა ვოლსკიმ.

ცნობისთვის, პარლამენტი დღევანდელ რიგგარეშე სხდომაზე ცესკოს თავმჯდომარესა და ორ პროფესიონალ წევრს აირჩევს. კენჭისყრა ამჯერად სრული შემადგენლობის უმრავლესობის კვორუმით ჩატარდება, რაც იმას ნიშნავს, რომ ცესკოში არსებულ ვაკანტურ თანამდებობებს სულ მცირე 76 ხმით არჩეული კანდიდატები დაიკავებენ.

ცესკოს თავმჯდომარის პოსტზე მმართველი გუნდი მხარს გიორგი კალანდარიშვილს უჭერს, ხოლო ცესკოს წევრის პოსტზე ასარჩევად გია ცაცაშვილსა და მაია ზარიძეს აძლევენ ხმას. საარჩევნო კანონმდებლობაში განხორციელებული ცვლილებების გათვალისწინებით, კენჭისყრა ორჯერ 2/3-იანი კვორუმით და ერთხელ 3/5-იანი კვორუმით ჩატარდა, თუმცა მმართველ გუნდსა და ოპოზიციას შორის საერთო კანდიდატებზე შეუთანხმებლობის გამო, მაღალი კვორუმით არჩევა ვერ მოხდა. სრული შემადგენლობის უმრავლესობით არჩეული ცესკოს თავმჯდომარე და წევრები თანამდებობას 6 თვის ვადით დაიკავებენ.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 22.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს